“Nakikita ni Jehova ang mga Pinagdaraanan Ko”

I-PLAY

Noong Abril 3, 2025, hinatulan ng Sovetskiy District Court of the City of Chelyabinsk si Brother Maksim Khamatshin at sinentensiyahang makulong nang anim na taon. Dinala agad siya sa bilangguan mula sa korte.

Profile

Maksim Khamatshin

Ipinanganak: 1996 (Biryusinsk, Irkutsk Region)

Nabautismuhan: 2007

Maikling Impormasyon: Isang electrician. Napangasawa niya si Adelina noong 2019

Kaso: Nag-oorganisa ng relihiyosong mga pulong ng mga Saksi ni Jehova

Sentensiya: Anim-na-taóng pagkabilanggo

Personal na mga Komento

Sa pinagdadaanan mo ngayon, saan ka partikular na nahirapan?

Hindi naging madali para sa akin na manatiling kalmado at huwag mag-alala. Minsan, kung ano-ano ang naiisip ko, at nag-aalala ako kung ano ang susunod na mangyayari. Kapag ganoon, nararamdaman ko rin ang naramdaman ni David nang sabihin niya sa Awit 55:6: “Kung may mga pakpak lang sana ako na gaya ng kalapati! Lilipad ako at maninirahan sa ligtas na lugar.” Pero alam kong nakikita ni Jehova ang mga pinagdaraanan ko at nakikinig siya sa mga panalangin ko. Dahil doon, napapanatag ako. Ipinapaalala naming mag-asawa sa sarili namin na dapat naming balikan ang lahat ng pagpapalang tinanggap namin mula kay Jehova at pag-isipan ang lahat ng ginagawa niya para sa amin ngayon. Kapag nakikita namin kung paano niya kami tinutulungan, nagiging mas kumbinsido akong hindi niya kami pababayaan at nagbibigay sa akin iyon ng kapayapaan ng isip.

Gaya ni Maksim, nakakapagpatibay malaman na makakaasa tayo sa tapat na pag-ibig ni Jehova at na “walang hanggan ang awa niya.”—Panaghoy 3:22.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.