HUNYO 10, 2024
RUSSIA

Nahatulan ng Dalawang-Taóng Suspended Sentence si Brother Igor Kasabov

I-PLAY

Noong Mayo 14, 2024, hinatulan ng Oktyabrskiy District Court of Tambov si Brother Igor Kasabov. Nahatulan siya ng dalawang-taóng suspended prison sentence. Hindi siya makukulong sa ngayon.

Profile

Igor Kasabov

Ipinanganak: 1955 (Baku, Azerbaijan)

Maikling Impormasyon: Nagtrabaho sa isang aviation industry. Nagretiro na

Napangasawa si Irina noong 1981

Silang mag-asawa ay nag-aral ng Bibliya sa mga Saksi ni Jehova. Masaya silang malaman na ibabalik ng Diyos ang kapayapaan at katarungan sa lupa. Pareho silang nabautismuhan noong 1993

Personal na mga Komento

Kaninong halimbawa sa Bibliya ang nagpatibay sa iyo?

Kapag nasisiraan ako ng loob, pinag-iisipan ko ang ilang karakter na binabanggit sa Bibliya, kasama na si Habakuk. Talagang napapatibay ako ng halimbawa niya dahil kailangan niyang maghintay kay Jehova. Sinisikap ko rin na maging mas matiisin. Mga ilang taon na ang nakalipas, na-stroke ang misis ko at inatake naman ako sa puso. Dahil dito, limitado lang ang kaya naming gawin. Pero nagtitiwala kami na natutuwa pa rin si Jehova sa amin. Ang totoo, sa mga panahong ito ng pag-uusig, nadama namin na mas malapít sa amin si Jehova higit kailanman. Mahal pa rin niya kami, at kitang-kita ito sa lahat ng tulong na inilalaan niya sa amin.

Nagtitiwala tayo na laging pagpapalain ni Jehova sina Igor at Irina habang patuloy silang umaasa sa Kaniya para sa lakas na kailangan nila.—Habakuk 3:19.

Time Line

Abril 11, 2023

Hinalughog ang bahay nila. Kinuha ang kanilang mga elektronikong gadyet
Abril 12, 2023

Sinampahan ng kasong kriminal
Marso 28, 2024

Nagsimula ang paglilitis
Mayo 14, 2024

Nahatulan ng dalawang-taóng suspended prison sentence

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.