‘Mas Naging Malinaw sa Akin Ngayon Kung Gaano Ako Kamahal ni Jehova’

I-PLAY

Noong Marso 26, 2025, hinatulang may-sala ng Kovrov City Court of the Vladimir Region si Brother Mikhail Sveshnikov at pinagmulta ng 250,000 ruble ($2,973 U.S.).

Profile

Mikhail Sveshnikov

Ipinanganak: 1969 (Kovrov)

Nabautismuhan: 2011

Maikling Impormasyon: Nagtrabaho bilang operator ng makinang tumatabas ng metal. Napangasawa niya si Yelena noong 1992. Mayroon silang dalawang anak na lalaki at dalawang anak na babae. Namatay sa aksidente sa sasakyan ang panganay nilang anak na babae noong 2012

Kaso: Nakikibahagi sa relihiyosong mga pulong ng mga Saksi ni Jehova

Halos apat na buwan siyang naka-house arrest

Sentensiya: Pinagmumulta ng 250,000 ruble ($2,973 U.S.)

Personal na mga Komento

Paano mo nararamdaman ngayon ang pag-ibig ni Jehova?

Dahil sa pinagdadaanan ko, takót ako at nag-aalala sa mga susunod na mangyayari. Pero nakatulong ito sa akin para mas maintindihan ang naramdaman noon ni propeta Jonas. Dahil sa takot, tinakasan niya ang atas niya, pero ipinakita ni Jehova ang kapangyarihan at tapat na pag-ibig Niya nang tulungan Niya si Jonas na madaig ang takot nito. Tinutulungan din ako ngayon ni Jehova na madaig ang takot ko. Laging nandiyan si Jehova at damang-dama kong mahal niya ako. Mabilis niyang sinasagot ang mga panalangin ko, at kung minsan pa nga, sa mga paraang hindi ko inaasahan. Mahal na mahal ko si Jehova, at mas naging malinaw sa akin ngayon kung gaano niya ako kamahal.

Nakakatuwang malaman na kapag ‘nagtitiwala tayo kay Jehova,’ madadaig natin ang takot at makakapanatili tayong tapat.—Awit 56:3.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.