“Mananatili Pa Rin Akong Masaya Kahit Pinag-uusig”

I-PLAY

Noong Hulyo 29, 2025, hinatulan ng Birobidzhanskiy District Court of the Jewish Autonomous Region sina Brother Anatoliy Artamonov at Aleksandr Krushevskiy ng limang-taóng suspended prison sentence. Hindi sila makukulong sa ngayon.

Profile

Anatoliy Artamonov

Ipinanganak: 1952 (Kuldur, Jewish Autonomous Region)

Nabautismuhan: 1995

Maikling Impormasyon: Isang electrician. Napangasawa si Lyudmila noong 1994. Mayroon silang isang anak na lalaki at isang anak na babae. Ang kanilang anak na babae, si Sister Larisa Artamonova, at ang anak nitong lalaki, si Brother Yevgeniy Yegorov, ay parehong nilitis at nahatulan dahil sa kanilang pananampalataya.

Kaso: Pag-oorganisa ng relihiyosong mga pulong ng mga Saksi ni Jehova

Sentensiya: Limang-taóng suspended prison sentence

Personal na mga Komento

Anong talata sa Bibliya ang nakatulong sa iyo sa pinagdadaanan mo ngayon?

Malaking pampatibay sa akin ang sinasabi sa 1 Pedro 4:14: “Kung iniinsulto kayo dahil sa pangalan ni Kristo, maligaya kayo, dahil ang espiritu ng kaluwalhatian, ang espiritu ng Diyos, ay nasa inyo.” Talagang nagpapasalamat ako kay Jehova dahil lagi niya akong binibigyan ng lakas sa pamamagitan ng banal na espiritu niya. Sinasagot niya ang mga panalangin ko para sa kapayapaan ng isip, at lagi niyang ibinibigay kung ano ang kailangan ko para makapagtiis. Alam kong hindi niya ako iiwan kahit kailan. Dahil sa pagmamahal at suporta niya, mananatili pa rin akong masaya kahit pinag-uusig.

Aleksandr Krushevskiy

Ipinanganak: 1978 (Slavyanka, Primorye Territory)

Nabautismuhan: 2008

Maikling Impormasyon: Napangasawa si Victoriya noong 2008. Nagkukumpuni ng mga kasangkapan

Kaso: Pag-oorganisa ng relihiyosong mga pulong ng mga Saksi ni Jehova

Sentensiya: Limang-taóng suspended prison sentence

Personal na mga Komento

Ano ang nakatulong sa iyo na manatiling matapang kahit pinag-uusig?

Humanga ako sa tapang, kapakumbabaan, at pagiging magalang nina Moises at Aaron nang humarap sila kay Paraon. Ipinapanalangin ko na sana maging ganoon din ako kapag humaharap sa mga awtoridad. Kapag inihahagis ko kay Jehova ang lahat ng problema at ikinababahala ko, tinutulungan niya akong maging panatag at manatiling masaya. Talagang nagpapasalamat ako dahil lagi siyang nandiyan para sa akin.

Anumang hamon ang kaharapin natin, panatag tayo dahil alam nating hindi iiwan ni Jehova ang mga nananatiling tapat sa kaniya.—Josue 1:5.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.