“Mahal Ko ang Diyos at Mamahalin Ko Siya Magpakailanman”

I-PLAY

Noong Marso 25, 2025, hinatulan ng Kovrov City Court of the Vladimir Region si Brother Oleg Sakun. Pinagmulta siya ng 250,000 ruble ($2,969 U.S.).

Profile

Oleg Sakun

Ipinanganak: 1952 (Duskanya, Magadan Region)

Nabautismuhan: 2009

Maikling Impormasyon: Namatay ang asawa niyang si Valentina noong 2021

Kaso: Nakikibahagi sa relihiyosong mga pulong ng mga Saksi ni Jehova

Halos apat na buwan siyang naka-house arrest

Sentensiya: Pinagmulta ng 250,000 ruble ($2,969 U.S.)

Bahagi ng Huling Pahayag ni Oleg sa Korte a

Sang-ayon ako sa sinasabi sa 1 Pedro 3:17: “Dahil mas mabuti ang magdusa dahil gumagawa kayo ng mabuti, kung kalooban ng Diyos na ipahintulot ito, kaysa magdusa dahil gumagawa kayo ng masama.” Nagdurusa ako dahil gumagawa ako ng mabuti: naniniwala ako sa Diyos na Jehova, nagbabasa ako ng Bibliya, at mahal ko ang aking kapuwa. Bakit ko ginagawa ang mga ito? Dahil mahal ko ang Diyos at matibay ang pananampalataya ko na siya ang aking Maylalang. Hindi tayo puwedeng huminto sa pagmamahal sa Diyos dahil lang mahirap ang pinagdadaanan natin. Pinag-uusig ako hindi lang dahil isa akong Saksi ni Jehova, kundi dahil mahal ko ang Diyos at mamahalin ko siya magpakailanman!

Dalangin namin na patuloy na palakasin ni Jehova si Oleg at ang lahat ng nagtitiis ng pag-uusig. Nakakatuwang malaman na “tapat na pag-ibig at katapatan ang tatanggapin ng mga nagsisikap gumawa ng mabuti” mula kay Jehova.—Kawikaan 14:22.

a Walang makuhang personal na mga komento mula kay Oleg nang inihahanda ang artikulong ito.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.