“Kasama Ko si Jehova”

I-PLAY

Noong Pebrero 20, 2025, hinatulan ng Cherkessk City Court of the Karachayevo-Circassian Republic si Brother Yevgeniy Semenov at sinentensiyahang mabilanggo nang anim na taon at tatlong buwan. Nakakulong na siya.

Profile

Yevgeniy Semenov

Ipinanganak: 1987 (Ishlei, Chuvash Republic)

Nabautismuhan: 2014

Maikling Impormasyon: Isang pest control operator

Kaso: Pag-oorganisa at pagsasagawa ng relihiyosong mga pulong ng mga Saksi ni Jehova sa pamamagitan ng videoconference

Nakulong nang halos isa at kalahating taon bago pa man litisin at masentensiyahang makulong

Sentensiya: Anim-na-taon-at-tatlong-buwang pagkabilanggo

Personal na mga Komento Mula sa Nanay ni Yevgeniy, si Sister Elvira Semenova a

Paano ka napatibay ng halimbawa ni Yevgeniy?

Sinabi ni Yevgeniy na kahit mahirap para sa kaniya ang mabilanggo, ayos naman siya. Sa mga liham niya, ipinaalala niya sa akin ang kahalagahan ng lubusang pagtitiwala kay Jehova. Isinulat niya: “Huwag po kayong mag-alala sa akin. Alalahanin po ninyo, kasama ko si Jehova. Nakikita niya ang lahat at talagang nagmamalasakit siya. Nakikita niya ang lahat ng luha natin at gagantimpalaan niya tayo kung tapat tayo. Sa tulong ni Jehova, mapagtatagumpayan ko ang anumang problema, at mayayakap ko rin kayo ulit!”

Talagang may malapít na kaugnayan si Yevgeniy kay Jehova, gaya iyon ng ugnayan ng ama at anak. Lubos ang pagtitiwala niya kay Jehova, at nakatulong sa akin iyon na patibayin din ang pananampalataya ko at manatiling determinadong magtiis.

Anumang pagsubok ang mapaharap sa atin, alam natin na lahat tayo ay puwedeng maging maligaya kung patuloy tayong magtitiwala kay Jehova.—Awit 40:4.

a Noong inihahanda ang artikulong ito, nakakulong si Brother Semenov bago pa man litisin kaya hindi nakakuha ng personal na mga komento mula sa kaniya.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.