“Ang Pinakamahalaga ay ang Kaugnayan Ko kay Jehova”

I-PLAY

Noong Enero 28, 2025, sinentensiyahan ng Fokinskiy City Court of the Primorye Territory si Brother Aleksandr Sazhin ng tatlong-taóng suspended prison sentence. Hindi siya makukulong sa ngayon.

Profile

Aleksandr Sazhin

Ipinanganak: 1971 (Fokino)

Nabautismuhan: 2008

Maikling Impormasyon: Isang taxi driver. Napangasawa si Irina noong 1993. Mayroon silang isang anak na babae

Kaso: Nakikipag-usap tungkol sa Bibliya at nangangasiwa sa mga pulong ng mga Saksi ni Jehova

Sentensiya: Tatlong-taóng suspended prison sentence

Personal na mga Komento

Paano nabago ng karanasang ito ang pananaw mo sa materyal na mga bagay?

Nang magsimula ang paglilitis, napilitan akong huminto sa trabaho at hindi ko magamit ang pera ko sa bangko. Pero hindi pinabayaan ni Jehova ang pamilya namin. Inilaan niya ang espirituwal at materyal na pangangailangan namin. Ipinaalala nito sa akin ang isinulat ni Pablo sa mga pinag-usig na Kristiyano sa Jerusalem. Sabi sa Hebreo 10:34: “Nagpakita kayo ng simpatiya sa mga nakabilanggo at masaya ninyong tinanggap ang pang-aagaw sa mga pag-aari ninyo, dahil alam ninyong mayroon kayong mas mabuti at permanenteng pag-aari.” Dahil sa naranasan ko, naintindihan ko na kung bakit masaya pa rin ang mga Kristiyanong iyon kahit nawalan sila ng mga pag-aari. Ang pinakamahalaga ay ang kaugnayan ko kay Jehova.

Gaya ni Aleksandr, nagtitiwala tayo na anuman ang mawala sa atin dahil sa ating pananampalataya, puwede pa rin tayong ‘matuwa at mag-umapaw sa saya, dahil malaki ang gantimpala natin sa langit.’—Mateo 5:12.

Tingnan Din

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.