“Alam Ko Kung Bakit Ako Pinag-uusig”

I-PLAY

Noong Pebrero 28, 2025, sinentensiyahan ng Poronaysk City Court of the Sakhalin Region si Brother Daler Tokhtayev na makulong nang anim na taon. Mananatili siyang nakabilanggo, dahil ikinulong na siya bago masentensiyahan.

Profile

Daler Tokhtayev

Ipinanganak: 1990 (Tajikistan)

Nabautismuhan: 2008

Maikling Impormasyon: Isang welder. Napangasawa niya si Zhanna noong 2012

Kaso: Nag-oorganisa at nangangasiwa sa mga pulong ng mga Saksi ni Jehova sa pamamagitan ng videoconference at ipinakikipag-usap sa iba ang Bibliya

Nakulong nang halos 11 buwan habang hinihintay ang paglilitis sa kaniya

Sentensiya: Anim-na-taóng pagkakulong

Bahagi ng Huling Pahayag ni Daler sa Korte a

Hindi ko kailanman itinago na isa akong Saksi ni Jehova. Ipinagmamalaki ko ito. Tinuruan ako ng relihiyon ko na puro kabutihan ang gawin at magpagabay sa mga prinsipyo ng Bibliya sa lahat ng bahagi ng buhay ko. Habang nakakulong, may mga nakilala akong iba’t ibang klase ng tao—mamamatay-tao, magnanakaw, manggagantso. Tinatanong nila ako: “Bakit ka nakulong?” Nagugulat sila kapag sinasabi kong nakulong ako dahil sa pananampalataya ko. Pero hindi iyon nakakagulat para sa akin. Alam ko kung bakit ako pinag-uusig. Sinabi ni Jesus: “Kung pinag-usig nila ako, pag-uusigin din nila kayo.” (Juan 15:20) Kung natiis ni Jesus ang mga pagsubok, magagawa ko rin iyon. Hindi nanghina ang pananampalataya ko dahil sa pagkabilanggo ko. Ang totoo, lalo pa itong tumibay. Mas nakita ko ang pangangalaga ng Diyos sa akin. Lagi niyang sinasagot ang mga panalangin ko, at tinutulungan niya akong makadama ng kapayapaan.

Nalulungkot tayo na hindi makasama ni Daler ang pamilya niya dahil sa pagkabilanggo niya, pero nagtitiwala tayo na patuloy silang papatibayin ni Jehova, “ang Diyos ng pag-ibig at kapayapaan.”—2 Corinto 13:11.

a Hindi mahingan ng komento si Daler noong inihahanda ang artikulong ito.

Magugustuhan Mo Rin

BALITA SA BUONG DAIGDIG

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga lokasyon kung saan may mga Saksi ni Jehova na nakabilanggo dahil sa pananampalataya nila at sa paggamit ng kanilang karapatang pantao.