Mula Oktubre 6 hanggang 9, 2025, dalawang bagyo ang nagdala ng malakas na ulan sa ilang estado sa gitnang Mexico. Dahil dito, bumaha at nagka-landslide sa malaking bahagi ng rehiyon. Halimbawa, sa estado ng Veracruz, umapaw ang Cazones River at nalubog sa mahigit 3.5-metrong baha ang ilang bahagi ng kalapit na lunsod ng Poza Rica. Dahil dito, libo-libong bahay, paaralan, ospital, at mga negosyo sa ilang estado ang nasira o lubusang nawasak. Daang-libong residente ang nawalan ng kuryente, signal, at iba pang pangunahing serbisyo. Iniulat ng mga awtoridad na mga 75 katao pa ang nawawala, at di-bababa sa 66 ang namatay.

Epekto sa mga Kapatid

• Nakakalungkot, isang 65-taóng-gulang na sister ang namatay dahil sa pagbaha

• 16 na mamamahayag ang nawawala

• 531 mamamahayag ang lumikas

• 4 na bahay ang nawasak

• 100 bahay ang nasira nang husto

• 146 na bahay ang bahagyang nasira

• 1 Kingdom Hall ang nasira nang husto

• 5 Kingdom Hall ang bahagyang nasira

Relief Work

• Pinatibay ng mga tagapangasiwa ng sirkito at lokal na mga elder ang mga kapatid na naapektuhan ng sakuna at nagbigay din sila ng praktikal na tulong

• Isang Disaster Relief Committee ang inorganisa para sa relief work

Talagang ikinalulungkot natin ang pagkamatay ng ating sister at ng marami pang iba, kaya sabik na tayong matupad ang pangako ng Diyos na lahat ng tao ay “mamumuhay nang panatag at hindi matatakot sa anumang kapahamakan.”​—Kawikaan 1:33.