Nakakulong si Faiza Seid sa Eritrea mula pa noong Hunyo 2009

Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

I-PLAY

Mahigit 275 Saksi ni Jehova sa buong mundo ang nakabilanggo dahil sa kanilang pananampalataya—Marso 2026.

Ginagarantiyahan ng Article 18 ng International Covenant on Civil and Political Rights ang karapatan sa kalayaan ng pag-iisip, konsensiya, at relihiyon. Pero sa ilang bansa, ipinagkakait sa mga Saksi ni Jehova ang karapatang ito. Ibinibilanggo sila at pinagmamalupitan dahil sa kanilang gawain na may kaugnayan sa pagsamba at sa pagtanggi nilang magsundalo udyok ng konsensiya.

Russia

Noong Abril 2017, ipinagbawal at ipinasara ng Russian Supreme Court ang legal na korporasyon ng mga Saksi ni Jehova dahil sa diumano’y pagsasagawa ng ekstremistang gawain. Kaya ipinasara at kinumpiska ng gobyerno ang mga lugar ng pagsamba at ipinagbawal ang mga literatura nila. Mula noon, iniimbestigahan na, inaaresto, at kinakasuhan ang maraming Saksi dahil sinasabi ng gobyerno na ilegal ang mga ginagawa nila sa pagsamba. Kapag nagsasagawa ng raid ang mga pulis sa bahay ng mga Saksi, madalas na nauuwi ito sa malupit na interogasyon at pag-aresto. Sa ngayon, di-bababa sa 171 Saksi ni Jehova ang puwersahang pinagtatrabaho, nasa pretrial detention, o nasa bilangguan.

I-click ang link para ma-download ang listahan ng lahat ng Saksi ni Jehova na kasalukuyang nakabilanggo sa Russia dahil sa kanilang pananampalataya.

South Korea

Noong Oktubre 26, 2020, naglabas ang gobyerno ng South Korea ng alternatibong serbisyong pansibilyan para sa mga tumatangging magsundalo dahil sa konsensiya. Pero marami ang nagsasabi na masyado itong mabigat dahil tatagal ito nang 36 na buwan—doble ng haba ng pagsisilbi sa militar. Kahit maraming umaapela, nagdesisyon ang pinakamataas na korte sa South Korea noong 2024 na ituloy pa rin ang programang ito. Tinanggap ng karamihan sa mga Saksi ni Jehova ang alternatibong serbisyong ito kahit na masyado itong mabigat. Pero 15 kabataang brother ang tumanggi; isa sa kanila ang nakabilanggo at may ilan na naghihintay ng paglilitis, at pagkatapos ay puwede silang mabilanggo.

I-click ang link para ma-download ang listahan ng lahat ng Saksi ni Jehova na kasalukuyang nakabilanggo sa South Korea dahil sa kanilang pananampalataya.

Ukraine

Sa loob ng halos tatlong dekada, nakinabang ang mga Saksi ni Jehova sa isang batas sa Ukraine na nagbibigay ng alternatibong serbisyong pansibilyan para sa mga tumatangging magsundalo dahil sa konsensiya. Pero nang magsimula ang digmaan noong Pebrero 24, 2022, hindi na naprotektahan ang karapatan para sa alternatibong serbisyong pansibilyan. Dahil dito, marami sa mga tumangging magsundalo ang sinampahan ng kasong kriminal at ibinilanggo. Sa ngayon, walong Saksi ang nakakulong at pito ang nasa pretrial detention. Sinabi ng tatlong eksperto sa karapatang pantao na inatasan ng United Nations na nababahala sila dahil walang ibinibigay ang Ukraine na alternatibong serbisyong pansibilyan kapag may digmaan.

I-click ang link para ma-download ang listahan ng lahat ng Saksi ni Jehova na kasalukuyang nakabilanggo sa Ukraine dahil sa kanilang pananampalataya.

“Lagi ninyong alalahanin ang mga nasa bilangguan, na para bang nakabilanggo kayong kasama nila.”—Hebreo 13:3.

Tingnan Din

KARANIWANG MGA TANONG

https://cms-imgp.jw-cdn.org/img/p/1014757/univ/art/1014757_univ_sqr_xl.jpg