Zebur 39:1—13

  • Gysga ömür

    • Ynsan ömri bir dem ýaly (5, 11)

    • Gözýaşlaryma biperwaý garama (12)

Aýdymçylaryň ýolbaşçysyna. Ýedutun*+. Dawudyň aýdymy. 39  Men: «Dilim bilen günä etmez ýaly,Her ädimimi dykgatly äderin+. Bolgusyz adamyň ýanynda dilimi saklaryn» diýdim+.   Dymdym, geplemedim+.Ýagşy zatlar hakda⁠-⁠da söz açmadym,Emma derdim beterleşdi.   Ýüregim ýandy, Oýlandygymça, ot bolup tutaşdy. Şonda men diýdim:   «Eý Ýehowa, ömür tanapym haçan kesiler?Ýagty jahanda näçe gün ýaşaryn?+Aýt maňa, ömrümiň gysgadygyny bileýin.   Sen ömrümi has⁠-⁠da gysgaltdyň*+,Meniň ömrüm gözüňe görnenok+, Ynsan kuwwatly görünse⁠-⁠de, ömri bir dem ýalydyr+. (Sela)   Ynsan ömri kölege kimin geçip gidýär, Bütin ömrüni biderek ylgap* geçirýär. Baýlyk toplaýar, emma hözirini kimiň görjegini bilmeýär+.   Eý Ýehowa, kime umyt baglaýyn? Meniň bar umydym sensiň.   Günälerimi bagyşla+. Akmaklar meni masgara etmesin.   Ähli zady sen edýärsiň+,Şonuň üçin men dymdym,Dil ýarmadym+. 10  Üstümden inderen derdiňi aýyr, Güýçli urgyňdan ýaňa iki büküldim. 11  Günäsi üçin ynsana temmi berýärsiň+,Güýe dek baýlygyny ýok edýärsiň. Ynsan ömri bir dem ýalydyr+. (Sela) 12  Dilegimi eşit, eý Ýehowa,Perýadymy diňle!+ Gözýaşlaryma biperwaý garama, Seniň huzuryňda gelmişekdirin+,Ata⁠-⁠babalarym kimin ötegçidirin+. 13  Menden gaharly nazaryňy sow,Ýagty jahandan ötmänkäm, bagtly günleri göreýin».

Çykgytlar

Sözlüge serediň.
Sözme⁠-⁠söz: bir garyş etdiň.
Sözme⁠-⁠söz: galmagal edip.