Eýýup 37:1—24

  • Tebigat Hudaýyň beýikligini wasp edýär (1—24)

    • Hudaý adamlaryň işini togtadýar (7)

    • Hudaýyň ajaýyp işleri hakda oýlanyň (14)

    • Hudaýyň düşünjesi çuňdur (23)

    • Hudaý akyllysyraýanlara rehim etmeýär (24)

37  Ýüregim gürsüldäp urýar,Agzymdan çykaýjak bolýar.   Hudaýyň güýçli sesine,Agzyndan çykýan gürrüldisine diň sal.   Onuň sesi gök astynda ýaňlanýar,Ýyldyrymy ýeriň dört künjeginde çakýar+.   Soňra gümmürdi eşidilýär,Güýçli sesi ýaňlanýar+,Batly sesine ýyldyrym çakýar.   Hudaýyň haýbatly sesine+ aňk bolýarlar,Beýik işlerine akyl ýetirmeýärler+.   Ol gara: „Ýeriň ýüzüni ört“ diýýär+, Çabga⁠-⁠da: „Badyňy gowşatma“ diýýär+.   Ol adamlaryň ähli işini togtadýar*,Başy ölümli ynsan Hudaýyň işlerine üns berýär.   Wagşy haýwanlar hinine girýär,Süreninden çykmaýar.   Harasat mekanyndan çykýar+,Demirgazyk ýeli aýaz getirýär+. 10  Hudaýyň deminden buz emele gelýär+,Deňziň ýüzi doňýar+. 11  Bulutlary ygaldan doldurýar,Olaryň içinden ýyldyrym çakdyrýar+. 12  Olary islän tarapyna iberýär,Tabşyran işini ýer ýüzünde berjaý etdirýär+. 13  Hudaý bulutlar arkaly ýa jeza berýär+,Ýa⁠-⁠da topragy suwdan gandyryp, ýagşylyk edýär*+. 14  Eýýup, sözüme gulak as,Saklan⁠-⁠da, Hudaýyň ajaýyp işleri hakda oýlan+. 15  Bilýäňmi, Hudaý bulutlara nädip diýenini etdirýär?*Olaryň içinden nädip ýyldyrym çakdyrýar? 16  Bulutlar nädip ýüzýär?+ Hemme zady bilýän şeýle täsin işleri edýändir+. 17  Gyzgyn ýel* öwsende, ýer ýüzünde ümsümlik bolanda,Egin⁠-⁠eşigiň näme üçin gyzýandygyny bilýäňmi?+ 18  Asmany+ demir aýna ýaly ýaýmaga,Hudaýa kömek edip bilermiň? 19  Aýtsana, biz oňa näme diýmeli?Garaňkylyk içinde jogap tapamyzok. 20  Gepleşmek isleýändigimi aýdyp bilerinmi? Muny oňa habar berip bilerinmi?+ 21  Ýel turup, bulutlary äkidýänçä,Asmanyň ýüzi açylýança,Ynsanlar güneşi görmez. 22  Demirgazykda altyn şöhle görünýär,Hudaýyň şöhraty+ akylyňy haýran edýär. 23  Gudratygüýçlüniň düşünjesi çuňdur+,Güýç⁠-⁠kuwwaty çäksizdir+,Adalatsyzlyk edýän däldir+, ebedilik dogruçyldyr+. 24  Goý, adamlar Hudaýdan gorksun!+ Ol akyllysyraýanlara rehim etmeýär»+.

Çykgytlar

Sözme⁠-⁠söz: işine möhür basýar.
Ýa⁠-⁠da: wepaly söýgüsini bildirýär.
Ýa⁠-⁠da: buýruk berýär?
Sözme⁠-⁠söz: Günorta ýeli.