Eýýup 33:1—33

  • Alyhuw Eýýubyň özüni Hudaýdan hem dogruçyl görýändigini aýdýar (1—33)

    • «Töleg berjek» (24)

    • «Ýaşlyk ýyllaryndaky ýaly gujur⁠-⁠gaýratly bolsun» (25)

33  Eýýup, indi meni diňle,Sözlerime gulak goý.   Haýyş edýärin, indi gepläýin,Sözlerim dilimiň ujunda.   Dilim bilenimi sözleýär,Sözlerimden ýüregimiň päkdigi görünýär+.   Hudaý ruhy bilen meni ýaratdy+,Gudratygüýçlüniň demi ýaşaýyş berdi+.   Başarsaň, maňa jogap ber,Delil getirip, özüňi aklajak bol.   Hak Hudaýyň öňünde deňdiris,Ikimizem toprakdan ýaradylandyrys+.   Şonuň üçin menden gorkma,Sözlerim agyr degip, howuňy basmasyn.   Aýdanlaryň gulagymdan gidenok,Şu sözleri köp aýtdyň:   „Men päk, ýazyksyz+,Tämiz, hiç bir etmişim ýok+. 10  Emma Alla maňa yrsaraýar,Ganym duşmany hasaplaýar+. 11  Aýagyma gandal salýar,Ähli ýollarymy barlaýar“+. 12  Ýöne sen ýalňyşýarsyň, Hudaý başy ölümli ynsandan has beýikdir+. 13  Sen ondan näme üçin nägile?+ Saňa jogap bermändigi üçinmi?+ 14  Hiç kim diňlemese⁠-⁠de,Alla gaýta⁠-⁠gaýta aýdýar. 15  Il⁠-⁠gün süýji uka gidende,Ýumşak düşekde ýatanda,Düýş hem görnüş* arkaly aýdýar+. 16  Şonda olaryň gulaklaryny açýar+,Öwüt⁠-⁠nesihat berýär*, 17  Ynsany günäden saklaýar+,Tekepbirlikden goraýar+. 18  Hudaý ony mazardan,Janyny gylyçdan halas edýär+. 19  Syrkawyň endam⁠-⁠jany agyrýar,Süňkleri yza çekýär, ýöne ol sapak edinýär. 20  Çöregi görüp, ýüregi bulanýar,Süýji nahary işdäsi almaýar+. 21  Gapyrgasyny sanaýmaly hor bolýar,Ol çöpe dönüp horlanýar. 22  Bir aýagy mazardadyr,Jany ganhorlaryň elindedir. 23  Eger bir habarçy*,Müňleriň içinden bir aklawçy,Adama hakykaty öwretse, 24  Hudaý oňa rehim edip:„Men onuň üçin töleg berjek+, Mazardan alyp galyň+. 25  Goý, ýaş ýigit kimin sagdyn bolsun+,Ýaşlyk ýyllaryndaky ýaly gujur⁠-⁠gaýratly bolsun“+ diýer. 26  Ol ýalbarar, Alla oňa rehim eder+.Hudaýyň ýüzüni görüp, şatlykdan ýaňa gygyrar.Hudaý başy ölümli ynsany dogruçyl hasaplar. 27  Ol halkyň öňünde şeýle aýdym aýdar:„Günä+ edip, hilegärlige baş urdum,Etmişime görä jeza almadym*. 28  Ol janymy mazardan gutardy+,Ýagty jahany görkezdi“. 29  Alla adam üçin şeýle zatlary,Iki sapar, hatda üç sapar edýär. 30  Ol şatlanyp ýaşasyn diýýär,Janyny mazardan alyp galýar+. 31  Diňle, Eýýup, maňa gulak as! Sabyr et, sözümi dowam edeýin. 32  Aýtjagyň bar bolsa, aýt! Günäsizdigiňi subut edesim gelýär. 33  Aýdara sözüň bolmasa, meni diňle,Sözümi bölme, öwüt⁠-⁠nesihat bereýin».

Çykgytlar

Sözlüge serediň.
Ýa⁠-⁠da: Öwüt⁠-⁠nesihatyna möhür basýar.
Ýa⁠-⁠da: perişde.
Başga manysy: Emma peýda görmedim.