Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Er Nan Ka Ne Za Pasen Ior Mba ken Kwaghaôndo Ugen Kwagha?

Er Nan Ka Ne Za Pasen Ior Mba ken Kwaghaôndo Ugen Kwagha?

Ior kpishi mba ken kwaghaôndo ugen ka i doo ve u lamen vea vese sha akaa a ken Bibilo kpen kpen. Se mba tesen icivir sha ian i mbagenev ve lu a mi i eren kwaghaôndo u ve soo la, nahan se mba kighir ve ér ve ungwa loho wase ga. Shighe u se lu pasen ior kwaghaôndo yô, ka se nôngo u dondon kwagh u Bibilo i kaa ér se eren kwagh a mbagenev sha “ishima i legh legh” man sha “mcie,” shin sha icivir la. (1 Peteru 3:15) Se fa ser, mbagenev vea soo loho wase ne ga. (Mateu 10:14) Nahan kpa, se fatyô u fan mnenge u ior ve lu a mi sha loho wase ga, saa ka se lam a ve ve, se fa ishima ve ye. Shi sa fa kpaa ser mlu u ior gem. U tesen ikyav yô, ashighe agen se za hen or kpa nana lu gbilin u lamen a vese ga, ashighe agen di nana lu a ian i lamen a vese doo doo. Shin alaghga ior vea tagher a zayol u i gbe u vea nôngo a mi yô, nahan ishima ia mgbegha ve u keghen ato a loho u Bibilo. Nahan ka se kange ishima u lamen a ior sha ashighe kposo kposo.