Aver yem sha atineakaa

Mbashiada mba Yehova

Tsua Zwa Tiv

Ne Mba Annongo u Kwaghaôndo u ken Amerika?

Ne Mba Annongo u Kwaghaôndo u ken Amerika?

Afishi ase a shin tine la nga ken tar u Amerika. Nahan kpa, se mba annongo u kwaghaôndo u ken tar u Amerika ga sha ci u atôakyaa ne:

  • Mbagenev ka ve kaa ér annongo u kwaghaôndo yô, ka kweior u u pav nongo a ma kwaghaôndo u̱ i vande veren un yô. Kpa Mbashiada mba Yehova due ken ma nongo u kwaghaôndo ugenegh ga. Kpa, se nenge ser yange se hide se hii u civir Aôndo sha gbenda u Mbakristu mba sha ayange a apostoli la kpa civir la.

  • Mbashiada mba Yehova mba pasen kwagh sha gbashima ken ityar i hemban 230. Hanma ijiir i se lu cii kpa, se mba suur sha Yehova Aôndo man Yesu Kristu, ka gomoti u Amerika shin ma gomoti u oruma ga.—Yohane 15:19; 17:15, 16.

  • Se har atesen a ase cii sha Bibilo, ka sha akaangeren a mbahemen kwaghaôndo mbagen mba ken tar u Amerika ga—1 Mbatesalonika 2:13.

  • Orhemen wase ka Yesu Kristu, ka ma oruma ga.—Mateu 23:8-10.