Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Ne Mba Zough a Inyaregh Ki Eren Tom Wen Hana?

Ne Mba Zough a Inyaregh Ki Eren Tom Wen Hana?

Tom wase u pasen kwagh ngu zan hemen sha ci u iyua i Mbashiada mba Yehova ve eren a mkighir shio la. Mba ngohol iyua ken mbamkombo asev ga, shi mba kaa a or ér nana kimbi môm-ken-upue ga. (Mateu 10:7, 8) Kpa i ver mbaakwati mba eren iyua ken ajiir a se eren mkombo her la, sha er or a soo u eren iyua kpa nana er yô. Mba yôôn ati a ior mba ve ne iyua la ga.

Se mba vihin inyaregh sha inja sha ci u se mba a mbahemen adua mba i kimbin ve ga. Heela tseegh ga, mba kimbin Mbashiada inyaregh ér ve za pase kwagh sha uya uya ga, shi i mar ajiir a mkombo a ase a akuma akuma. Iyua i i tindin a mi shin afishi a branci a Mbashiada mba Yehova la cii ka i er tom a mi sha u wasen ior mba aahe a er ve yô, shi ka i sue mbamishen man mbatomov mba zenden sôron atôônanongo, shi i sue tom u maan ayou a ase a civir Aôndo ken ityar igen, shi i sue tom u gberen shi samber a ukôpi mba Bibilo man ityakerada i Mbakristu igen.

Hanma or ka nan tsua a ishima i nan u eren iyua sha ci u suen mbamgbe mba hen tiônnongo shin suen tom u i lu eren tar sha won cii la, shin eren iyua sha ci u akaa ne cii. Hanma tiônnongo ka a na ibaver i inyaregh ki i zough a mi man ki i vihi la cii hen mkombo.