Aver yem sha atineakaa

Aver yem sha itinekwagh i vesen i sha uhar

Mbashiada mba Yehova

Tiv

Bibilo i Henen Ka Nyi?

Bibilo i Henen Ka Nyi?

Mbashiada mba Yehova mba henen Bibilo a ior. Bibilo i henen ne ka i wase ior u zuan a mbamlumun sha mbampin kpishi, er mban nahan:

  • Ka an nan lu Aôndo?

  • Aôndo wam ikyo je kpa?

  • Me er nan ve ivese yam ia doo?

  • Me er nan ve a saan mo iyolo?

I na mbamlumun shin heen sha mbampin mba ior ve pinen hanma shighe sha kwagh u Bibilo i se henen a ior la.

Ka i hen Bibilo a or nena? Ka se tsua itinekwagh i môm, er i sha kwagh u “Aôndo” shin kwagh u “ivesegh” nahan, maa se time sha avur a Bibilo a a zough sha itinekwagh shon yô. Ka sea tôô avur a Bibilo ne sea kar sha agen yô, se fa kwagh u Bibilo jimin cii i er sha itinekwagh shon yô; sha nahan yô Bibilo ka i hide i pase iyol i i̱.

Takerada u i yer ér Bibilo Tese Ér Nyi Jimi? la ngu wasen se u henen Bibilo. U pase kwagh u Bibilo i tese jim jim sha kwagh u Aôndo man Yesu man er tar ua va lu ken hemen la wang, shi u ta iwanger sha atineakaa agen kpaa.

Ka i kimbi nyi sha Bibilo i henen ne? Ka se hen Bibilo vea ior gbilin, shi ityakerada i se tesen ior Bibilo a mi la kpa se mba we ishe sha i ga.

Hanma kwa u i tem u henen Bibilo yô, ka i tôô shighe nena? Ior kpishi ka se hen Bibilo a ve i kuma er ihwa i môm nahan ken hanma kasua. Kpa i ver a ver shighe u kwaghhenen ne una lihe a kighir ga. Se fatyô u henen kwagh a we kighir sha shighe u ú soo la.

Aluer m kaa mer i va hen Bibilo a mo yô, a er nena? Shighe u ú kaa wer i va hen Bibilo a we yô, Orshiada u Yehova nana va her a we hen ijiir i u soo wer i hen Bibilo a we la kua sha shighe u ú tsough la kpaa. Nana tôô miniti kpuaa nana tese u er ka se hen Bibilo vea or ga. Aluer u soo yô, maa ne za hemen a kwaghhenen shon.

Aluer m lumun mer i hen Bibilo a mo yô, a gba u me hingir Orshiada u Yehovaa? Ei. Ka i doo Mbashiada mba Yehova u tesen ior Bibilo, kpa se mba kighir or ser nana nyôr kwaghaôndo wase ga. Kpa ka se tese nan kwagh u Bibilo i kaa la sha icivir, shi se fa ser hanma or ngu a ian i tsuan kwagh u nan soo u nan jighjigh a mi yô.—1 Peteru 3:15.