Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Namba  3 2017

Bibilo Kaa Ér Nyi?

Bibilo Kaa Ér Nyi?

A tsa sha won nahan ijirôron i mimi ia lu sha tar kpa?

U kaa wer nyi?

  • Een

  • Ei

  • Alaghga tsô

Kwagh u Bibilo i kaa yô

“M fa, TER Una nenge sha kwagh u or u ican i tser nan la, man Una er dedoo a mbaibanave kpaa.” (Pasalmi 140:12) Tartor u Aôndo ua va a ijirôron i mimi sha tar.

Ka nyi igen kpa Bibilo i tese se?

  • Aôndo nenge er ijirôron i mimi i ban sha tar hegen kpishi yô, nahan una sôr zayol ne.—Orpasenkwagh 5:8.

  • Ijirôron i mimi i Aôndo la ia na yô, bem man mkpeyol vea lu sha tar.—Yesaia 32:16-18.

Aôndo hemba soon ikyurior igen a igene?

Ior mbagenev na jighjigh ér Aôndo yange a ver akuraior agen doo doo, a wa agen ifan, mbagenev di na jighjigh ér Aôndo eren kwagh a ior cii kwaghmôm. We u kaa wer nyi?

kwagh u Bibilo i kaa yô

“Aôndo ka u sangen a sange ior ga, kpa ken hanma ikyurior yô, or u nan cie Un, nan eren perapera kpaa yô, Una lumun nan.” (Aerenakaa 10:34, 35) Hen ishigh ki Aôndo yô, ior cii mba kwaghmôm.

Ka nyi igen kpa Bibilo i tese se?

  • Bibilo ngi a ‘loho u dedoo’ sha ci u “hanma ikyurior man hanma nongo man hanma zwa man hanma nongoior.”—Mpase 14:6.