Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Namba  1 2017

Ican i yan dumbur sha tar nyian, kpa ka Aôndo a ne ve kwagh a lu nahan yee?

Bibilo Kaa Ér Nyi?

Bibilo Kaa Ér Nyi?

Ka Aôndo a ne ve ior ve lu yan ican yee?

U kaa wer nyi?

  • Eenee

  • Eii

  • Alaghga tsôô

Kwagh u Bibilo i kaa yô

“Aôndo Una er iferkwagh mayange ga, Uhembanagee kpaa Una er kpe ga.” (Yobu 34:10) Mayange je ka Aôndo a ne ve se lu yan ican sha tar nyian ga.

Ka nyi igen kpa Bibilo i tese se?

  • Jighilii yô, ka Satan Diabolo, u a lu “tor u tar ne” la, a ne ve se lu yan ican ye.—Yohane 14:30.

  • Shi ashighe kpishi ka i lu akaabo a ior ve tsough u eren la ka a na ve ifer man ican i yan i lu ye.—Yakobu 1:14, 15.

Ican i yan ia tsa a bee kpa?

Ior mbagenev na jighjigh ér umace vea fatyô u karen a ican iyan kera, aluer ve zua ave mba eren kwagh ken mzough yô, mbagenev di nenge ér taver kpishi u karen a uzayol mba vesen mba shin tar mban kera. We u kaa wer nyi?

Kwagh u Bibilo i kaa yô

Aôndo una kar a hanma ican i yan cii kera. “Ku ua kera lu ga, shin ijungwen shin mliam shin ican kpaa ia kera lu je ga.”—Mpase 21:3, 4.

Ka nyi igen kpa Bibilo i tese se?

  • Aôndo una tindi Yesu una va kar a ican i Diabolo a ve uumace a mi ne kera.—1 Yohane 3:8.

  • Mbaperapera vea lu ken bem sha tar gbem sha won.—Pasalmi 37:9-11, 29.