Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Novemba 2015

Mbampin mba Bibilo I Ne Mlumun sha Mi La

Mbampin mba Bibilo I Ne Mlumun sha Mi La

Ibanave ia fatyô u been sha tar kpa?

Aôndo una er nan ve una kar a ibanave sha tar kera?Mateu 6:9, 10.

Ibanave ka i wua ior umiliôn imôngo hanma inyom sha ci u m-ban u kwaghyan u dedoo man angev. Shin er ior ve lu yôugh yôugh sha ajiir agen sha tar nahan kpa, uumace kpishi kungu ican. Bibilo tese ér ma shighe môm kpa ibanave ban hen uumace ga.Ôr Yohane 12:8.

Gomoti u una kôrcio u been a ibanave yô, a lu gomoti u una hemen tar cii yô. A gba u gomoti shon una lu a tahav mbu nan hanma or akaa a kwagh a gbe nan a mi la, shi una kar a ityav mbi nôngon kera, gadia ka mbi je mbi hemban van a ibanave ye. Aôndo tôndozwa ér una va a imba gomoti u una hemen sha tar cii la kpee a bunde ga.Ôr Daniel 2:44.

Ka an nana kar a ibanave kera?

Aôndo tsua Wan na Yesu ér a hemen uumace cii. (Pasalmi 2:4-8) Yesu una yima mbaibanave shi una kar a mkighir man ipila kera.—Ôr Pasalmi 72:8, 12-14.

Yesu, “Wantor u Bem” u i tsengeôron kwagh na la, una va a bem sha tar cii, shi una kura u kpaa. Hen shighe la hanma or sha tar cii nana lu a ya u nan shi nana lu a tom u dedoo shi nana lu a kwaghyan kpishi.—Ôr Yesaia 9:6, 7; 65:21-23.