Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Setemba 2015

Mbampin mba Bibilo I Ne Mlumun sha Mi La

Mbampin mba Bibilo I Ne Mlumun sha Mi La

Uma yô ka un cii ne shinii?

Ashighe agen ka i lu u er ayange a uma wase ndahar gande yumu?

I lu nahan u ker u fan aluer uma u se lu ne hemba di u eren anumbe man tom man ivese, shi nengen sha tsombor zan zan karen been iyol vee? (Yobu 14:1, 2) Bibilo tese ér mbafankwagh tsema tsema je kpa kwagh ne taver ve.—Ôr Orpasenkwagh 2:11.

Uma ne ngu a ma kwagh u injaa ker je he? Hiihii yô, doo u se pine ser: Uma yange hii nena? Ior kpishi ka vea nenge gbenda u kpilighyol u i er mhirinim man alegh a iyolough ase agen la yô, ve kure ikyaa ér ka Orgbanakaa u lun a mfe tsung nan gbe se ye. (Or Pasalmi 139:14.) Aluer ka nahan yô, tese ér a̱ shi nan kpa a gba se sha ityôkyaa je! Aluer se fa ityôkyaa la yô, kwagh la una na uma una seer lun se a inja kpishi.

Yange i gba uumace ér ve er nyi?

Aôndo yange ver nomsoor man kwase u hii gban la doo doo, shi na ve tom u doon tsung. Awashima na yô, lu u ve mar ve iv tar shi ve gema u u hingir paradiso, shi ve lu uma gbem sha won.—Ôr Genese 1:28, 31.

Uumace yange ve va hendan a hemen u Aôndo, nahan kwagh ne na awashima u Aôndo la ngu a kure sha mi ga. Kpa Aôndo gema ijime a vese ga, shi a bunde awashima na la kpaa ga. Bibilo pase se wang ér Aôndo ngu eren tom u waren mba ve civir un sha mimi la shi una va kure awashima na sha kwagh u tar ne la kpaa. Aôndo soo ér we u nenge er yange un wa ishima ér uma a lu la! (Ôr Pasalmi 37:29.) Hen ken Bibilo you fa er u fatyô u zuan a iwasen ken kwagh u Aôndo a we ishima u va eren la yô.