Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Julai 2015

 ITINEKWAGH I TAMEN | MKUR ZULUMU?

Ior Kpishi Vea War Mkur—We kpa U Fatyô u Waren

Ior Kpishi Vea War Mkur—We kpa U Fatyô u Waren

Bibilo kaa a vese ér mkur una va a mtim: “Zegecan una er, imbacan i hii er i gba tar la je zan zan ainge ne i lu a er mayange ga yô, man mayange kpaa ia kera shi er nahan kpaa ga . . . Man ka er i pande ayange la kera yô, gayô, ma i yom ma or ga.” (Mateu 24:21, 22) Kpa Aôndo tôndo zwa a vese ér, uumace kpishi vea war: “Tar yô, ngu karen kera . . . , kpa u nan eren ishima i Aôndo yô, nan ngu lun gbem sha won.”—1 Yohane 2:17.

Aluer u soo u va waren mkur u tar ne, lun ‘uma gbem sha won’ yô, ka nyi i gbe u u eree? Gba u u hii u wan ajia shi wan iyol sha akaa a iyolough agene? Ei. Bibilo wa se kwagh ér se hemba veren ishima sha akaa a hange hange. Bibilo kaa ér: “Er akaa cii á va sough kera nahan yô, doo u né lu ken icighanmlu man né lu civir Aôndo . . . Er ne keghen mve u iyange i Aôndo” ne. (2 Peteru 3:10-12) Avur a Bibilo agen ken ityough kin tese ér “akaa cii” a i kaa ér aa va sough kera la wa ugomoti mba tar ne mba ve we anyighe yum ne ker, kua ior mba ve tsough u dondon hemen u ugomoti mba shon, i lu hemen u Aôndo ga la cica cii. Kwagh ne tese wang ér aluer se ombo akaa a iyolough nan nan kpa, aa wase u waren mtim la ga.

Jighilii yô, gba u se civir Yehova Aôndo shi se henen u eren akaa a doon un ve se war ye. (Sefania 2:3) Gba u se dondon kwagh u ior kpishi ve eren nyian la ser ashe a pir se u nengen a akaa a a tesen ér se mba ken ashighe a ican la ga, kpa se “eren sha u [iyange i Yehova] i̱ va fefa yô.” Mbashiada mba Yehova vea fatyô u tesen we ken Bibilo er u fatyô u waren mkur u a lu van ne yô.