Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Janawari 2015

 ITINEKWAGH I TAMEN | U FATYÔ U LUN IKYUA A AÔNDO

Kwagh Môm Hemba u Yan Ijende a Aôndo Ga

Kwagh Môm Hemba u Yan Ijende a Aôndo Ga

U er nan ve u lu ikyua a Aôndo? Se pase akaa a u er ve u ya ikyar a Aôndo kôôsôô yô. Ka akaa shon je ne:

  1. Fa iti i Aôndo i Yehova la, shi yilan un sha i

  2. Lamen vea na hanma shighe ken msen man sha u timen ken Bibilo i̱ i̱ lu mkaanem nam la

  3. Eren kwagh u doon Yehova hanma shighe cii.

Kporom hen Aôndo sha u yilan sha iti na shi eren msen hen a na, shi timen ken Mkaanem nam, shi eren kwagh u a doo un yô

U fatyô u kaan wer u ngu eren kwagh u i gbe u or a er ve nana ya ijende a Aôndo, er i tese sha heen nahanaa? U nenge wer doo u ú nyôôso gbenda u u eren akaa ne ken uma wou laa? Ka mimi, a gba u ú nôngo kwagh kpoghuloo ve u er kwagh ne ye, kpa hen sha kwagh u una due ker la.

Kwase u ken tar u Amerika u i yer un ér Jennifer yô kaa ér: “Ka wea nôngon kpoghuloo wer u lu vea Yehova kôôsôô yô, iniôngon you la i saa gbilin ga. Ikyaryan ne ka i va a averen kpishi: ka u hemba nan Aôndo jighjigh, shi u hemba fan or u a lu jim jim la, kpa u hemban cii yô, Aôndo a seer doon we ishima. Kwagh môm hemba u yan ijende a Aôndo ga!”

Aluer u soo u lun kôôsôô a Aôndo yô, a saan Mbashiada mba Yehova iyol u wasen we u eren kwagh ne. Vea sôr shighe u va henen Bibilo a we gbilin. Shi u fatyô u zan mbamkombo vev mba henen Bibilo hen Iyou i Tartor ve i i lu hen ijiir you la. Aluer u za yô, u zua a ior mba ikyaryan ve vea Aôndo i gbe ve kwagh tsung la. * U er nahan yô, a lu u er yange lu orngeren pasalmi nahan. A kaa wener: “Kpa mo yô, doom u mgbôghom a Aôndo.”Pasalmi 73:28.

^ par. 9 Aluer u soo wer i va hen Bibilo a we shin u soo u zuan a Iyou i Tartor i̱ i̱ lu ikyua a we yô, lam a or u nan va ne u magazin ne, gayô, za hen ijiir yase i sha Intanet i www.jw.org/tiv la, maa nenge shin kpe, ape i nger ér LAM A VESE la.