Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura (I Henen)  |  Julai 2015

Ikyô i ken Galilia i yer ér Biriya la (shin heen)

U Fa Kpa?

U Fa Kpa?

Yange tar u Iserael lu a ikyon civilii er Bibilo i tese nahana?

BIBILO pase ér ajiir agen ken Tar u Ityendezwa la lu a akô ker, shi ikyon “ngee” ker kpishi. (1 Utor 10:27; Yos. 17:15, 18) Nahan kpa, er nyian ne ajiir agen kpishi ken tar shon a kera lu a ikyon ker ga yô, alaghga a taver mbatanakperan sha akaa u lumun ér ngise kwagh lu nahan.

Ijuku i atam a tur

Takerada ugen kaa ér, “akô yange ngee ken tar u Iserael hemba er a lu nyian ne.” Ikyon i yange i hemban menden sha agungu a ken tar la yô, lu kon u olev man ouki kua kon u terebin. Gema ken tar u iwoogh u Yuda, hii shin akpekpe a iwoogh zan zan ar hen Kpe u Zegemnger u Mediterenia la di ikyon i tur lu her kpishi.

Takerada ugen u u er kwagh u ikyon i ken Bibilo yô kaa ér, ikyon kera ngi sha ajiir agen ken tar u Iserael sha ayange ne ga kuaa je. Er nan ve kwagh a lu nahana? Takerada ne shi kaa ér kwagh ne yange hii u eren kure kure, ér: “Ior yange ve gber ikyon ne sha u vea gbanger a ajiir a eren ishule kua ajiir a ilev vev a yaan toho her yô. Shi ve gber i sha u manden ayou shi keer usu a mi.”