Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Iyoukura  |  Namba  5 2017

 ITINEKWAGH I TAMEN | KA NYI BIBILO I ÔR SHA KWAGH U MBATYOMOVO?

U Ngu a Ortyom u A Kuran We Yôô?

U Ngu a Ortyom u A Kuran We Yôô?

Bibilo tese ér hanma orumace yô, nan ngu a ortyom u a kuran nan ga. Ka mimi Yesu yange kaa ér: “Ver nen ishima, de lahan nen u môm ken [mbahenen mba Kristu] mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu Sha la, gbem.” (Mateu 18:10) Nahan kpa Yesu lu ôron heen ér hanmaor ngu a ortyom u a kuran nan ga, kpa lu kaan di tsô ér kwagh u mbahenen nav gba mbatyomov ishima tsung. Sha nahan yô Mbakristu mba mimi mba gbe eren kwagh sha ibume tsô henen ér mbatyomov mba Aôndo vea kura ve ga.

Kpa kwagh la man tese ér mbatyomov mba wasen uumace ga shinii? Ei. (Pasalmi 91:11) Ior mbagenev na jighjigh taveraa ér Aôndo kuran ve shi hemen ve sha ikyev i mbatyomov nav. Kenneth u se vande ôron kwagh na ken ngeren u hiihii la kpa ngu môm ken mba ve ne jighjigh nahan yô. Ityôkyaa ngi i se sendegh sha kwagh ne ga, mnenge na la una fatyô u lun shami. Mbashiada mba Yehova ka ve shi nengen a akav a tesen ér mbatyomov mba kuran shi hemen ve ken tom ve u pasen kwagh la. Nahan cii kpa, er mbatyomov ve lu ior mba ken jijingi yô, se fatyô u fan igbenda i Aôndo a tindin ve sha u wasen hanmaor sha zayol mba nan kposo kposo la jighilii ga. Sha nahan yô, aluer se mba sughun Uhembanagee sha nyityô iwasen i a ne se cii kpa ka kwaghbo ga.—Mbakolose 3:15; Yakobu 1:17, 18.