Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Mbampin mba Mbaôron Takerada Ne Ve Pin La

Mbampin mba Mbaôron Takerada Ne Ve Pin La

Aluer nomsoor man kwase mba ve vese ayol a ve ga tsa ijiir imôm ve tseegh, a ityôkyaa i injaa shio nahan, tese ér ve er isholibo gba u a shar ve ijiri?

Een, aluer nomsoor vea kwase u ve vese ayol a ve ga tsa ijiir i môm a ityôkyaa i injaa shio yô, kwagh ne ka ityôkyaa i tesen wang ér ve er idya. Nahan kômatii u ôron ijir una shar ve ijiir.—1 Kor. 6:18.

Zum u kwagh a lu nahan yô, gba u mzough u mbatamen una tôv sha ikyaa la tsembelee, nahan una nenge aluer ka u a ver kômatii u ôron ijir una nenge sha kwagh shon yô. Ikyav i tesen yô: Ior mba shon mba sôôr ayol a vee? I vande wan ve kwagh sha gbenda u ve lun imôngo kôôsôô yum laa? Hii nan ve ve za hingir u za tsan ijiir i mômô? Yange ve vande wan iyol u za tsan imôngo? Yange kwagh lu u ma ve er sha ikyaa ne yôô? Shin yange kwagh môm lu u vea er sha ikyaa shon ga; za hingir kwagh u aburabur maa hingir u vea za tsa imôngo? (Orpa. 9:11) Yange ve tsa shin ve yav hen ijiir shon nena? Alaghga akaa agen kpa aa lu a a gba u mbatamen vea gbidye kwar sha mi yô, sha ci u ityôkyaa i i ne ve kwagh a lu nahan la, ia fatyô u kahan.

Vea tôvon sha akaa ne cii vea faan yô, mzough u mbatamen una mase tsuan aluer ieren ve la kuma u a tsua kômatii u ôron ijir una shar ve ijir yô