Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ungwa Imo i Aôndo Nahan Lu Uma Gbem sha Won

 Vegher 1

Se Ungwa Imo i Aôndo Nena?

Se Ungwa Imo i Aôndo Nena?

Aôndo lamen a vese ken Bibilo. 2 Timoteu 3:16

Aôndo u mimi la yange kaa a ior ér ve nger mkaanem nam cii ken icighan takerada môm. Takerada la ka Bibilo. Ngi a loho u hange hange u Aôndo a soo ér we u fa yô.

Aôndo fa kwagh u a hembe doon sha ci wase cii yô, shi ka un una fatyô u nan se kwaghfan u mimi ye. Aluer u ngu ungwan un yô, u zua a kwaghfan u mimi. —Anzaakaa 1:5.

Aôndo soo ér hanmaor shin tar ne nana ôr Bibilo. I gber i hegen ken ijô kpishi.

Aluer u soo u ungwan Aôndo yô, a gba keng u ú ôr Bibilo shi u kav i.

 Hanma ijiir cii ior mba ungwan loho u dedoo. Mateu 28:19

Mbashiada mba Yehova vea wase u u̱ kaven Bibilo.

Mba tesen mimi sha kwagh u Aôndo sha tar cii.

Gba u ú kimbi inyaregh sha ci u zuan a ityesen ne ga. Shi u fatyô u henen kwagh u Aôndo ken Iyou i Tartor i Mbashiada mba Yehova, i i lu hen ijiir you la.