Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ungwa Imo i Aôndo Nahan Lu Uma Gbem sha Won

 Vegher 8

Ku u Yesu Kpe la Ngu U a Inja Nena?

Ku u Yesu Kpe la Ngu U a Inja Nena?

Yesu kpe sha u se zua a uma. Yohane 3:16

Yesu yange kpe ayange nga karen atar yô, kasev mbagenev za nenge war na lu gbilin. Yehova nder Yesu shin ku.

Shighe kar yô, Yesu ande hen mbaapostoli nav.

Sha mimi yô, Yehova yange nder Yesu shin ku, a hingir orageegh u ken jijingi, u lun a uma u kpen ga. Mbahenen mba Yesu nenge er Yesu kôndo yem sha yô.

 Aôndo yange nder Yesu shin ku shi na un Tor u Tartor u Aôndo. Daniel 7:13, 14

Yesu na uma na ér a lu nagh ku paan uumace. (Mateu 20:28) Ka sha nagh ku ipaan kura Yehova a ne i hingir u se fatyô u lun uma gbem sha won ye.

Yehova na Yesu Tor ér a hemen tar. Mba vea tema tor a na imôngo la mba iorov 144,000, ka mbajighjigh mba a nder ve shin ku shin tar ne vea za lu sha yô. Yesu man mba 144,000 mbara cii hingir gomoti u sha, u perapera, ka Tartor u Aôndo je la.​—Mpase 14:1-3.

Tartor u Aôndo ua gema tar ua hingir paradiso. Ityav mbia kera lu ga, kua ifer man ibanave man ijen. A saan ior iyol jim jim.​—Pasalmi 145:16.