Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 Vegher 13

Gba u Se Er Nyi Keng Ve a Doo Aôndo a Vese?

Gba u Se Er Nyi Keng Ve a Doo Aôndo a Vese?

Palegh kwaghbo. 1 Mbakorinte 6:9, 10

Aluer Yehova doo se ishima yô, se eren akaa aa vihi un ishima la ga.

Yehova soo ér se iin shin se hunden msôrom shin se maan mcimbim dang dang ga.

Iwoo-or kua iyav mbu dughun sha apera man kwagh u nomsoor yaven a nomsoor ugen shin kwase yaven a kwase ugen la vihi Aôndo ishima. A soo ér se lu mba wan hua shin se nôngon num a mbagenev ga.

Gba u se civir eev shin se eren ahir ga.

Shighe u tar ua va hingir Paradiso la, mbaeren akaabo cii vea lu ker ga.

 Eren kwagh u dedoo. Mateu 7:12

Saa se nôngo se lu a aeren a Aôndo ve a doo un a vese ye.

Tesen mbagenev dooshima sha u eren a ve doo doo shi nan ve kwagh mgbeghaa.

Eren kwagh sha mimi.

Zungwen ior mhôônom shi deen ve kwaghbo.

Ôr mbagenev kwagh u Yehova kua igbenda na.​—Yesaia 43:10.