Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 Vegher 4

Yange Ve Ungwa Satan, Nahan Lu Nyi i Due Kere?

Yange Ve Ungwa Satan, Nahan Lu Nyi i Due Kere?

Adam man Ifa hemba Aôndo ato, nahan ve kpe. Genese 3:6, 23

Ifa yange ungwa imo i iyô, nahan a ya ityamegh ki kon la. Shighe kar yô, a na Adam, un kpa a ya.

Kwagh u ve er la lu sha mi ga, lu isholibo. Aôndo zenda ve ken Paradiso u lu ya ve la kera.

Uma taver ve kua ônov vev. Ve vese ve bee iyol ve kpe. Ve yem ken tar u ujijingi ga; ve kera lu uma mape môm ga.

 Mbakpenev mba a uma ga er vuulevu nahan. Genese 3:19

Se mba kpen sha ci u se cii se due ken Adam man Ifa. Mbakpenev mba fetyô u nengen shin ungwan shin eren ma kwagh ga.​—Orpasenkwagh 9:5, 10.

Awashima u Yehova lu u ior ve kpeen ga. Ica ia gba ga tsô una nder mbakpenev. Aluer ve ungwa imo na yô, vea lu uma gbem sha won.