Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Tar u Paradiso

Tar u Paradiso

Yehova una sôr hanmakwagh u bo u Satan a er cii una hingir tsembelee. Yehova vande kôron Yesu Tor u tar ne cii. Ken hemen na la, á sôr tar cii ua hingir paradiso.—Daniel 7:13, 14; Luka 23:43.

Yehova tôndozwa sha akaa ne:

  • KWAGHYAN U NGEEN: “Inya mende iyiav dedoo; Aôndo, Aôndo wase, Una ver se doo doo.” “Iyiav mbi̱ ngee shin tar sha ityouv mbi iwoov je kpaa, asagher a mbi a̱ hingir war war.”—Pasalmi 67:6; 72:16.

  • ITYAV MBI A BEE: “Va, va nenge nen ityom i [Yehova], a er akaacieryol shin tar, a er ityav mbi bee zan zan ar hen ikighir i tar je.”—Pasalmi 46:8, 9.

  • AFERAIOR BEE: “Gadia á va tim aferaior kera . . . Gadia shi côhin tsô iferor á kera lu ga; mimi je, ú nenge sha ijiir i nan, nan nan kpaa, kpa nana lu ga.”—Pasalmi 37:9, 10.

  •  ANGEV, IJUNGWEN, SHIN KU KPAA GA: “Tsô á bugh mbaapirashe ashe, man á bugh mbakondonato ato. Tsô orkeer nana gba tsuwen er ashim nahan, man nombor u orkondoniker kpaa ua wa icam.”—Yesaia 35:5, 6.

    “Aôndo iyol Na Una lu a ve. Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.”—Mpase 21:3, 4.

Er Satan man azôv a na ve eren la, Yehova eren mbaaie ga. Akaa a á tendezwa sha a la cii á va lu nahan keng. (Luka 1:36, 37) U doo Yehova ishima man á soo er we u va tsa ken Paradiso u a lu van a mi la. Yô kporom ikyua a Mbashiada Mba Yehova sha er u hen akaacieriyol a mimi a á lu ken Mkaanem ma Aôndo la. Aluer u yar tom a mimi ne ken uma wou yô, u due kera ken ikyangenev mbi iev, man atesen a iegh, kua lanegh. Ken masejime yô, u due kera ken ikyangenev mbi isholibo man ku kpaa. Ka vough er Yesu lu kaa nahan la er: “Man né fa mimi, mimi kpaa una pase ne una tuhwa.”—Yohane 8:32.