Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Tesen Ônov Ou

 ITYOUGH 14

Tartor u Ua Va Hemen Tar Cii La

Tartor u Ua Va Hemen Tar Cii La

U fa Tartor shon kpa?— Een, ka Tartor u Aôndo, ka Tartor u ua va gema tar ua hingir paradiso je la. U soo u seer fan kwagh u Tartor shonoo?—

Hanma tartor yô, ka u lu a tor. Tor ka nan hemen ior mba ve lu ken tar u nan la. U fa or u nan lu Tor u Tartor u Aôndo kpa?— Ka Yesu Kristu. Ngu sha. Ica ia gba ga tsô, una lu tor u hanma or shin tar cii! U hen wer shighe u Yesu una lu Tor u tar cii la, a saan se iyolo?—

Ka nyi kwagh u soo u va nengen a mi ken Paradiso?

A saan se iyol kpishi! Ken Paradiso la, ior vea kera nôngon num shin ityav kpaa ga. Ior cii vea soo ayol a ve. Or môm nana kera gba angev shin nana kpe ga. Mbaapirashe cii ashe a ve aa bugh, mbaakondoato cii ato a ve aa bugh, shi mbaawanev mba ve zenden sha ga la kpa vea tsue shi vea yevese. Hanma or cii nana lu a kwaghyan kpishi. Annyamev cii vea lu bem bem ayol a ve, shi se kpa vea lu a vese bem bem. Ior mba ve kpe la kpa, vea hide a lu uma. Nomso man kasev kpishi mba u er kwagh ve ken antakerada ne, er Rebeka man Rahabi man Davidi kua Eliya nahan cii vea hide a lu uma! U soo u va  nengen a ve shighe u vea hide a lu uma laa?—

U doo Yehova ishima shi a soo ér i saan we iyol. Aluer u za hemen u henen kwagh u Yehova shi eren kwagh u a kaa ér we u er yô, u va lu uma ken paradiso u doonashe gbem sha won! U soo u va lun uma ken Paradiso gbem sha wonoo?—

ÔR KEN BIBILO YOU

  • Yesaia 2:4; 11:6-9; 25:8; 33:24; 35:5, 6

  • Yohane 5:28, 29; 17:3