Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Sar u u̱ va nengen er uityendezwa mba Tartor vea kure sha mi vough la kpa?

 VEGHER U SHA 7

Uityendezwa mba Tartor—A Gema Akaa Cii Aa Hingir A He

Uityendezwa mba Tartor—A Gema Akaa Cii Aa Hingir A He

 U ZÔR zege ityamegh ki apel ki vian sha kon. U hungur ki man u gema u gbihi shin ikyese i u lu wan atam agen shimi la. U er tom ne ahwa imôngo, kpa taver we iyol u zan hemen a u. Ngôu ngu hen itinekon igen ikyua ikyua, ngu eren tom saan saan shi lamen vea mba hen tsombor mbagenev man ahuraior, a a lu wasen un u zôron atam a apel yô. Ngu her iyev iyev, vough er shighe u lu iyev la kpa lu nahan. Taver we u lumun wer yange bee iyol shighe u ne lu ken tar u tse la. Yange u kôr un uwegh shighe u gba angev lu sha gambe ve, mase kpen la, shi u vaa hen uwar na kpaa. Kpa nenge ase, ngu heen hegen vea mbagenev kpishi, mba uma shi mba gbang gbang kpaa!

Se fa shighe ne una va kpee. Se fa nahan sha ci u uityendezwa mba Aôndo cii mba gbe inya ga. Ken vegher ne, se time sha gbenda u ica a gba ga tsô uityendezwa mba Tartor mbagenev vea kure sha mi, zan zan a kar nôngon ityav mbi Armagedon la. Shi se lu tôvon sha uityendezwa mba Tartor mba doon tsung, mba Armagedon una karen kera ve, vea kure sha mi la kpaa. Shighe u Tartor u Aôndo ua hemen sha tar, ua gema akaa cii aa hingir a he, se nenge sha ashe ase la, a saan se iyol kpen kpen!

IN THIS SECTION

ITYOUGH 21

Tartor u Aôndo Tim Mbaihyomov mba U Kera

U fatyô u wan agoyol sha ci u ityav mbi Armagedon la hegen.

ITYOUGH 22

Tartor Ngu Eren Ishima i Aôndo Shin Tar

Ka nyi ia wase u u̱ fan wer uityendezwa mba Yehova vea kure vough a bunde ga?