Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Tartor u Aôndo Ngu Hemen!

Ken imese: Anmgbian u kwase u eren tom u colporteur, lu pasen kwagh ken tar u Korea, ken inyom i 1931; ken iyan: Mba pasen kwagh ken iliam i sha ave, ken tar u Korea nyian

 VEGHER U SHA 2

Tom u Pasen Loho u Tartor—U Samber a Loho u Dedoo Tar sha Won Cii

Tom u Pasen Loho u Tartor—U Samber a Loho u Dedoo Tar sha Won Cii

 U WA iyol i duen kwaghpasen pepe sha iyange i u yar tom ga yô. Kpa u er kekeke, sha ci u wa vôron we iyol. Sar u ape memen pepe kpen kpen! Kpa u er msen sha kwagh ne, maa u kange ishima u due u yem. U za er tom vea anmgbian u kwase u a bee iyol yô, shi ishimataver kua ieren na i kundu kundu la doo ú kpishi. Shi er u lu zenden pasen kwagh sha uya uya la, u umbur er anmgbianev ou mba nomso man mba kasev tar sha won cii kpa ve lu pasen loho shon, shi eren tom a ityakerada i we kpa u lu eren tom a mi la, shi i tsaase ve sha tom u pasen kwagh ne er we kpa i tsaase we la nahan yô. U hidi hen ya yô, taver we iyol kpishi. Doo u tsung er ashen u dugh kwaghpasen yô!

Ka tom u pasen kwagh la je u lu tom u hemban cii u Tartor u Aôndo u lu eren hegen ye. Yesu yange tsengaôron ér a samber a loho u dedoo ne sha gbenda u kpilighyol ken ayange a masejime ne. (Mat. 24:14) Kwaghôron na u profeti ne ngu kuren nena? Ken vegher u sha uhar u takerada ne, se lu timen sha kwagh u mbapasenkwagh, man igbenda ve i pasen kwagh, kua akaa a hange hange a ve eren tom a mi ken kwaghpasen u Mbakristu, u a lu wasen ior umiliôn imôngo tar sha won cii u nengen er Tartor u Aôndo u lu kpôô kpôô la.

IN THIS SECTION

ITYOUGH 6

Ior Mba Ve Pasen Kwagh La—Mbatomov Mba Ve Na Ayol a Ve La

Er nan ve Yesu lu a vangertiôr ér una lu a ikyum i mbapasenkwagh mba vea na ayol a ve u eren tom u pasen kwagh la ken ayange a masejime nee? U fatyô u tesen wer u ngu vanden keren Tartor nena?

ITYOUGH 7

Igbenda i Pasen Kwagh—Mba Aren a Ior sha Hanma Gbenda Cii

Nenge igbenda i injaa i ior mba Aôndo ve er tom a mi sha u pasen ior kpishi loho u dedoo, er ve fetyô la, cii man mkur una va ye.

ITYOUGH 8

Akaa a I Pasen Kwagh a Mi La—Tom u Gberen Ityakerada sha Ci u Ior mba sha Tar Cii

Tom wase u geman kwagh la u tese ér Yesu ngu suen se nena? Ka akaa a sha kwagh u ityakerada yase a nyi a wase u u nengen wer Tartor la ka ngu kpôô kpôô?

ITYOUGH 9

Kwagh u A Dugh ken Tom u Pasen Kwagh La—“Iyiav Mbi ken Ishule, Mbi Via Kuma u Sundan”

Yesu yange tese mbahenen akaa a vesen ahar sha kwagh u sunda u ken jijingi u hemban ne. Akaa a Yesu tese mbahenen nav la aa wase se nyian nena?