Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

 KWAGHHENEN U SHA 17

Ôr Kwagh sha Gbenda u Ior Vea Kav Un Wang Yô

Ôr Kwagh sha Gbenda u Ior Vea Kav Un Wang Yô

1 Mbakorinte 14:9

NGEREN U SAVEN: Wase mba u lu lamen a ve la ve fa inja i kwagh u u lu ôron la.

ER U ER KWAGH NE YÔ:

  • Wa iyol sha kwaghôron wou la, fa un tsembelee. Fa kwagh u ú lu za lamen a ior sha mi la tsembelee, sha er u fatyô u pasen kwagh shon ken mkaanem ou man sha gbenda u u taver u kaven ga yô.

  • Ôron kwagh tiônôô tiônôô shi i de taver u kaven ga. Er u lamen gôgônan i lu kwaghbo ga nahan kpa, ôr atôakaa a vesen la tiônôô tiônôô, sha er ior vea kav kwagh u u lu ôron la tsembelee yô.

  • Pase inja i asember a ior ve fe a ga la. Pande u yilan asember a mba u lu lamen a ve mbara ve fe a ga la. Aluer gba keng u ú yila ishemberti i mba u lu lamen a ve la ve fe i ga yô, pase inja i i̱. Shi er nahan shighe u u ter or u ken Bibilo u ve fe nan ga la, man shighe u u ter ma kwagh u ngise i karen kwagh a mi yô, shin u ter ma ieren i ityôô i sha ayange a tsuaa la kpaa.