Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Loho U Dedoo U Ú Dugh Hen Aôndo La!

 Iaven I Sha 7

Ka Nyi i Lu Tartor u Aôndo?

Ka Nyi i Lu Tartor u Aôndo?

1. Ka nyi i lu Tartor u Aôndo?

Er nan ve Yesu a kom u lun Tor u Tartor u Aôndo?MARKU 1:40-42.

Tartor u Aôndo ka gomoti u sha. Ua tim ugomoti mbagenev cii shi ua na a gema eren ishima i Aôndo sha man shin tar cii. Loho u sha kwagh u Tartor u Aôndo ne ka u dedoo. Ica a gba ga tsô, Tartor u Aôndo ua va a gomoti u dedoo u kwagh a gbe uumace a mi la. Ua zua uumace mba vea lu uma shin tar la cii, vea lu gungur môm.Ôr Daniel 2:44; Mateu 6:9, 10; 24:14.

Tartor ka u lu a tor u hemen u keng. Yehova tsua wan na Yesu Kristu ér a lu Tor u Tartor Na.Ôr Mpase 11:15.

2. Er nan ve i lu Yesu a kom u lun Tor u Tartor laa?

Ka Wan u Aôndo a kom u lun Tor u Tartor la ye, sha ci u ngu ishima legh legh, shi til sha kwagh u vough. (Yohane 1:14) Shi ngu a tahav kpishi mbu una fatyô u wasen ior yô, gadia Yesu una lu sha ve, una hemen tar ne ye. Yange mba nderen un shin ku yô, a kôndo a yem sha, a za tema ken uwegh ku yanegh ku Yehova, lu keghen shighe u a nan un tor la. (Mbaheberu 10:12, 13) Ken masejime yô, Aôndo na un tahav, a hii u hemen.Ôr Daniel 7:13, 14.

3. Ka unô vea hemen vea Yesu imôngo?

Aôndo tsua nongo u i yer u ér “uicighanmbaiorov” la sha u u̱ hemen sha vea Yesu imôngo. (Daniel 7:27) Uicighanmbaiorov mba yange i hii tsuan yô, lu mbaapostoli mba Yesu mba jighjigh mbara. Zan zan hegen kpa, Yehova ngu tsuan nomso man kasev mba jighjigh sha u ve lu uicighanmbaiorov yô. Ka vea kpe yô, i nder ve a iyol i ken jijingi, er Yesu nahan.Ôr Yohane 14:1-3; 1 Mbakorinte 15:42-44.

 Ka iorov ume vea yem sha? Yesu yange yila ve ér “anikyumuile u kpeghee.” (Luka 12:32) Ken masejime yô, iyenge ve cii ia lu iorov 144,000. Vea hemen tar vea Yesu imôngo.Ôr Mpase 14:1.

4. Lu nyi i er shighe Yesu hii u hemen laa?

Yesu yange hingir Tor ken inyom i 1914 la. * Kwagh u hiihii u Yesu er shighe u hingir Tor yô, yange daa Satan man azôv a na gbihi shin tar ne. Nahan ishima vihi Satan ker kpishi, a hii u van a mzeyol shin tar jimin cii. (Mpase 12:7-10, 12) Hii shighe la je, mbamzeyol mba uumace mba seer a seer. Ityav man ijen man ubombauangev man ityartenger cii ka “ikyav” i tesen ér, ica a gba ga tsô Tartor u Aôndo ua hemen tar ne jimin cii.Ôr Luka 21:7, 10, 11, 31.

5. Tartor u Aôndo ngu eren nyi?

Tom u pasen kwaghaôndo, u í lu eren sha tar cii ne na yô, Tartor u Aôndo ngu kohol zegeikperaior i ken akuraior cii, i̱ i̱ eren kwagh ken mzough yô. Mbaasemaleghlegh umiliôn umiliôn mba wan ayol a ve sha ikyev i Yesu u a lu Tor u Tartor u Aôndo la. Tartor u Aôndo ua kura ve shighe u ua tim tar u bo ne kera la. Nahan yô, mba ve soo u zuan a averen a Tartor u Aôndo ua va a mi la cii yô, ve̱ hen u wan ayol a ve sha ikyev i Yesu, eren ishima na.Ôr Mpase 7:9, 14, 16, 17.

Tartor la ua kure kwagh u Aôndo yange wa ishima u eren sha ci u uumace la ken atô u anyom 1,000. Tar jimin cii ua hingir Paradiso. Ken masejime yô, Yesu una hide a Tartor la una na Ter na. (1 Mbakorinte 15:24-26) Ma or ngu u ú soo u ôron nan kwagh u Tartor u Aôndo yôô?Ôr Pasalmi 37:10, 11, 29.

 

^ par. 6 Wea soo u seer fan er kwaghôron u profeti u Bibilo a tsengeôron kwagh u inyom i 1914 la yô, ôr takerada u Bibilo Tese Ér Nyi Jimi? la, peeji 215-218.