Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Loho U Dedoo U Ú Dugh Hen Aôndo La!

 Iaven I Sha 8

Er Nan Ve Aôndo A De Ér Kwaghbo man Ican i Yan I_ Za Hemene?

Er Nan Ve Aôndo A De Ér Kwaghbo man Ican i Yan I_ Za Hemene?

1. Kwaghbo yange hii nena?

Aôndo na uumace ian ér ve hemen ayol a ve hegen ica i gba, man akaa a a er ken gôgô shighe u a ne ve ne tese ér vea fatyô u sôron mbamzeyol vev ga

Kwaghbo yange hii sha tar shighe u Satan er aie u hiihii la. Sha hiihii la, Satan lu ortyom u vough, kpa á kera “tile sha mimi ga.” (Yohane 8:44) Yange soo ér i gema civir un er i civir Aôndo nahan, man mcivir ne ngu sha ci u Aôndo tseegh. Satan tsugh Ifa, kwase u hiihii la, a mee un a ungwa imo na, a gema a hemba Aôndo ato. Adam kpa dondo Ifa sha u hemban Aôndo ato. Kwagh u Adam er ne gema va a ican i yan man ku.Ôr Genese 3:1-6, 19.

Shighe u Satan wa Ifa kwagh ér a hemba Aôndo ato la, lu hemen u Aôndo u sha won cii la, shin ian i Uhembancii, i Aôndo a lu sha mi la je Satan hii u hendan a i ye. Ikpela i uumace ta ikyaa a Satan, ve venda ér Aôndo a de lu Orhemen ve ga. Sha nahan yô, Satan hingir “tor u tar ne.”Ôr Yohane 14:30; 1 Yohane 5:19.

2. Aôndo yange gba akaa lu a mshii?

Hanma kwagh u Aôndo yange gba cii lu vough. Uumace man mbatyomov mba Aôndo gba la cii, a gba ve sha gbenda u vea fatyô u kuran atindi a na vough yô. (Duteronomi 32:4, 5) Aôndo gba se, na se ian i tsuan ser se er kwagh u dedoo shin u bo. Ian ne gema bugh se gbenda u tesen ser Aôndo doo se ishima.Ôr Yakobu 1:13-15; 1 Yohane 5:3.

3. Er nan ve Aôndo a de ér ican i er ior zan zan hegene?

Yehova de ér ahendan a ken sule u Eden, a yange i hii u hendan a hemen la a̱ za hemen her zan zan nyian. Sha ci u nyi? A er nahan sha u tesen ér, er uumace ve lu nôngon ér vea hemen ayol a ve a na shio nahan kpa, mayange vea fatyô ga. (Orpasenkwagh 7:29; 8:9) Akaa aa a er ken atô u anyom 6,000, hii shighe u uumace  hemba ato la je, tese wang ér ka Aôndo tseegh a kom u hemen ye. Utor mba tar ne kanshio u been a ityav man ifer man ijirôron i sha mimi ga man angev kpaa.Ôr Yeremia 10:23; Mbaromanu 9:17.

Nahan cii kpa mba ve de ér Aôndo a hemen ve yô ve zua a mbamtsera kpishi. (Yesaia 48:17, 18) Ica a gba ga tsô, Yehova una tim ugomoti mba uumace cica cii kera. Ka mbara mba ve lumun ér Aôndo a̱ hemen ve la tseegh vea ya dyako u tar ye.—Yesaia 11:9.Ôr Daniel 2:44.

4. Ishimawan i Yehova la na se ian i eren nyi?

Satan senge ér uumace mba civir Yehova sha ci u mtsera u vea zua mi la tseegh. U soo u eren kwagh u una tese ér Satan ngu eren ka aie kpa? U fatyô u eren nahan! Ishimawan i Aôndo la i na hanma wase ian i tesen ér nan soo hemen u Aôndo shin ka hemen u uumace nan soo ye. Ka gbenda u se eren kwagh ken uma wase la ua tese hemen u se soo la ye.Ôr Yobu 1:8-12; Anzaakaa 27:11.

5. Sé lumun ser Aôndo a̱ lu Orhemen wase nena?

Akaa a se tsough u eren ken uma wase la aa tese ér se lumun ser Aôndo a̱ lu Orhemen wase shin se lumun ga

Se fatyô u lumun ser Aôndo a̱ lu orhemen wase sha u keren mcivir u a lu u mimi la shi dondon gbenda u civir Aôndo sha mimi, ú i tese ken Bibilo i̱ i̱ lu Mkaanem nam la. (Yohane 4:23) Shi a gba u mayange je se nyôr iyol ken pati u eren man ityav mbi nôngon ga, vough er Yesu kpa er nahan.Ôr Yohane 17:14.

Satan ka a er tom a tahav nav sha u samber a anza a bo kua aeren a ijimbagh. Alaghga ahuraior a ase man anmgbianev asev vea lam sha a vese dang shin vea hendan a vese zum u se vende u dondon aeren ne yô. (1 Peteru 4:3, 4) Nahan a gba u se tsua kwagh u se er yô. Se tsua u lun vea ior mba Aôndo a doo ve ishima laa? Se kura atindi a na a a we se sha dooshima shi a tese kwaghfan na la kpa? Aluer se er nahan yô, se tese ser kwagh u Satan yange kaa ér or môm u nana tagher a mkighir ve nana kôrcio u eren ishima i Aôndo je kpa nan ngu ga la ka mimi ga.Ôr 1 Mbakorinte 6:9, 10; 15:33.

Dooshima u Aôndo a lu a mi sha uumace la ka ibumun i tesen ér ifer man ican i yan ia bee keng. Mba ve tese ér ve na jighjigh ér kwagh una va lu nahan cii vea lu uma sha tar gbem sha won.Ôr Yohane 3:16.