Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ka Unô Ve Eren Ishima i Yehova Nyiana?

 Ityough ki sha 7

Se Mba Eren Mbamkombo Asev Nena?

Se Mba Eren Mbamkombo Asev Nena?

Tar u New Zealand

Tar u Japan

Tar u Uganda

Tar u Lithuania

Mbakristu mba sha ayange a tsuaa mbara yange ve hemban wan atsam shi eren mbamsen shi ôron Ruamabera, timen keregh shighe u vea za mkombo yô, kpa ve lu a aeren a kwaghaôndo kpelegh kpelegh, a ve dondon hanma shighe ga. (1 Mbakorinte 14:26) Ka kwagh u se kpa se eren ken mbamkombo asev vough je la.

Hanma kwagh u i henen ken mbamkombo ase cii har sha Bibilo shi ngu se a iwasen. Hanma iyange i Sati shin Lahadi yô, hanma tiônnongo ka a kohol imôngo sha u ungwan kwaghôron u ken Bibilo u kuman miniti 30. Kwaghôron ne ngu a tese er Ruamabera a er kwagh u una wase uma wase, shi a er kwagh u ashighe a se lu ker ne kpaa yô. Ka i taver se cii asema ér se nengen ken Bibilo yase shighe u i lu ôron Bibilo yô. Ka a ungwan kwaghôron ne a been yô, se er mkombo u “Iyoukura” i Henen ken ihwa i môm. Zum ne, ka i na mba ve ve mkombo u tiônnongo ne ian i wan zwa sha kwagh u i lu timen sha mi ken Iyoukura i i lu henen ken tiônnongo la. Kwaghhenen ne ngu a wase se u dondon akaawan a Bibilo ken uma wase. Ka ngeren u i tsough u henen la, atôônanongo a a hembe er 100,000 nahan tar sha won cii la, nga a hen ye.

Mbamkombo mba wasen se u seer fan ityesen. Dugh mkombo u se nyôron sha iyange i Sati shin Lahadi la kera yô, shi ken hanma kasua yô, ka se kohol sha iyange igen aikighe, se er mbamkombo utar. Ka se hii sha Bibilo i Henen ken Tiônnongo, se hen kwagh miniti 30, i pinen mbampin shi i naan mbamlumun mba ka ve wase se u seer kaven akaawan a ken Ruamabera man akaaôron a profeti a ken Bibilo yô. Sea been yô, se nyôr Makeranta u Henen Tom u Hemen u Aôndo ken miniti 30, se hii sha u timen sha avur a Bibilo a tiônnongo cii a vande ôron, wan ago iyol sha mi la. Maa mba ve lu a akaaôron ken makeranta ne la ve na akaaôron tiônôô tiônôô. Vea been yô, orhemen makeranta a wa ve kwagh sha u wasen ve u seer fan kwaghôron kua takerada u ôron. (1 Timoteu 4:13) Ka se mase kuren sha Mkombo u Henen Tomshiren, u se eren ken miniti 30 la. Akav a nengen a nenge a ka i tese ken mkombo ne la, kua akaaôron man akaa a ka i yila mbagenev sha tsembe i pine ve ve ôr la, nga a wase se u fan er se tese ior Bibilo yô.

Se na jighjigh ser, u za mbamkombo asev yô, ityesen i injaa i ken Bibilo, i u zua a mi la, ia doo u kpishi je.—Yesaia 54:13.

  • Aluer u za mbamkombo mba Mbashiada mba Yehova yô, u ungwa nyi kwagha?

  • Ka hanma mkombo ken mbamkombo asev mba se eren ken hanma kasua la u soo wer u zaa?