Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ka Unô Ve Eren Ishima i Yehova Nyiana?

 Ityough ki sha 27

Ijiir I I Koson Ityakerada ken Iyou i Tartor la Ngi Se a Iwasen Nena?

Ijiir I I Koson Ityakerada ken Iyou i Tartor la Ngi Se a Iwasen Nena?

Tar u Iserael

Tar u Czech Republic

Tar u Benin

Tar u Cayman Islands

U soo u tôvon sha kwagh sha er u seer mfe wou u Bibilo yôô? Sar u tsung u ma u fe kwagh u ma ivur ruamabera shin or shin ijiir gayô ma kwagh u i ter ken Bibilo yôô? Shin u ngu a akpelan wer Mkaanem ma Aôndo ma a fatyô u wasen we sha zayol wou ga? Yô, za hen ijiir i i koson ityakerada ken Iyou i Tartor la.

Iyou ne ngi a ityakerada man akaa agen a wasen se u tôvon sha kwagh. Alaghga tsô u ngu a ityakerada i pasen Bibilo, i Mbashiada mba Yehova ve gber ken zwa wou la cica cii ga. Kpa ityakerada i i sember gberen la kpishi ngi hen ijiir i koson ityakerada i ken Iyou i Tartor la. Shi alaghga mbamgem mba Bibilo kposo kposo man dikishenali i dedoo man ityakerada igen i wasen se u tôvon sha kwagh kpa ngi ken iyou ne. We kpa u ngu a ian i tôvon sha kwagh ken ityakerada ne shighe u i lu a hii mkombo ga, man shighe u i dugh mkombo la kpaa. Aluer i ver kômputa ker yô, alaghga a wa kwagh u i yer ér Watchtower Library la sha mi. Watchtower Library ka kwagh u ka i wa sha kômputa, a lu a ityakerada yase kpishi yô, shi i er un sha gbenda u ú fatyô u keren ma itinekwagh shin iti gayô ma ivur Bibilo i kwagh a gbe u sha mi la sha kômputa a ican shio yô.

Iyou i koson ityakerada la ngi a iwasen hen mba ve lu ken Makeranta u Henen Tom u Hemen u Aôndo la. Aluer u nyôr makeranta ne yô, ijiir i koson ityakerada i ken Iyou i Tartor ne ia wase u shighe u ú lu wan ago iyol sha akaa a i gbe u za ôr ken makeranta la yô. Ka orhemen makeranta a nengen sha ijiir i koson ityakerada i ken Iyou i Tartor la ye. Gba u una nengen ér ityakerada i i sember gberen la cii ngi hen ijiir ne shi i ver i sha inja kpaa. Orhemen makeranta ne shin ortesen we Bibilo nana fatyô u tesen we er u zua a ngeren u kwagh a gbe u sha mi la yô. Nahan cii kpa, or a de tee ma takerada hen ijiir ne yemen a mi ken ya u nan ga. Shi se soo ser, se eren a ityakerada i hen ijiir ne sha inja, shi se kpile kwagh ker kpaa ga.

Bibilo pase ér cii man se zua a “mfe u fan Aôndo” la yô, saa se ker un er “akaa a injaa a i yer” a nahan. (Anzaakaa 2:1-5) Ijiir i koson ityakerada i ken Iyou i Tartor la ia wase u u hii u keren mfe shon.

  • Ka akaa a wasen se u tôvon sha kwagh a nyi nahan a lu hen ijiir i koson ityakerada i ken Iyou i Tartor laa?

  • Ka unô vea wase u, u hemba fan u keren kwagh hen ijiir i koson ityakerada laa?