Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ka Unô Ve Eren Ishima i Yehova Nyiana?

 ITYOUGH KI SHA 2

Er Nan I Yer Se Ér Mbashiada mba Yehova?

Er Nan I Yer Se Ér Mbashiada mba Yehova?

Noa

Aberaham man Sara

Mose

Yesu Kristu

Ior kpishi hen ér iti i Mbashiada mba Yehova la ka i kwaghaôndo u he. Nahan cii kpa, yange i yila mba ngise ve civir Aôndo ua lu u mimi tswen la ér mba “mbashiada” nav anyom kar hemba 2,700 hegen. (Yesaia 43:10-12) Cii man inyom i 1931 la, i yilan se ér Mbahenen Bibilo. Er nan se tee iti i Mbashiada mba Yehova laa?

Iti la ka i Aôndo wase. Er uruamabera mba tsuaa mbara ve tese nahan, iti i Aôndo, i Yehova la ngi ken Bibilo kwa dubu imôngo. Ken mbamgem mba Bibilo kpishi, i dugh iti ne kera, i gema i nger atiatom, er Ter shin Aôndo nahan, sha ajiir la. Nahan kpa, Aôndo u mimi la yange pase Mose iti na i Yehova la, ér: “Iti Yam i TER (ka Yehova je la) ne yô, ve fa ga.” (Ekesodu 6:3) Ka sha iti ne man Aôndo yange tese mkposo na a mbaaôndo mba aiegh cii ye. Doo se kpishi er i yer se sha icighanti u Aôndo la yô.

Iti la pase tom u se eren la. Sha ayange a tsuaa la, hii sha orperapera Abel je, ior kpishi er shiada sha kwagh u jighjigh u ve na Yehova la. Ken atô u anyom uderi imôngo sha ayange a tsuaa la, Noa man Aberaham man Sara man Mose man Davidi kua mbagenev kpaa va hingir u lun ken “ikpela i mbashiada” i vesen ne. (Mbaheberu 11:4–12:1) Se kange ishima ser se pase mimi u sha kwagh u Aôndo la, di vough er or nana fatyô u eren orshôô shiada hen atejir nahan.

Se mba dondon ikyav i Yesu. Bibilo yila un ér “Orshiada u jighjigh man u mimi.” (Mpase 3:14) Yesu iyol na yange kaa ér un ‘pase iti i Aôndo’ hen ior, shi za hemen u ‘pasen mimi’ sha kwagh u Aôndo kpaa. (Yohane 17:26; 18:37) Sha nahan yô, gba kpee u mba dondon Kristu mba mimi vea tôô iti i Yehova la, shi vea pasen i hen ior kpaa. Ka kwagh u Mbashiada mba Yehova ve lu nôngon kpoghuloo ér vea er je la.

  • Er nan ve Mbahenen Bibilo yange ve tôô iti i Mbashiada mba Yehova laa?

  • Yehova ngu a mbashiada shin tar kuma shighe nena hegene?

  • Ka an nan lu orshiada u Yehova u hemban ciili?