Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ka Unô Ve Eren Ishima i Yehova Nyiana?

 Ityough ki sha 9

Ka Hanma Gbenda U Hembe Doon U Se Wa Ago Iyol sha Mbamkombo?

Ka Hanma Gbenda U Hembe Doon U Se Wa Ago Iyol sha Mbamkombo?

Tar u Cambodia

Tar u Ukraine

Aluer Orshiada u Yehova nan ngu henen Bibilo a we yô, alaghga tsô ka u nôngo u vande wan ago iyol sha kwagh u i gbe u ne hen la. Wea soo u hemban zuan a mtsera ken ma mkombo u tiônnongo yô, kape i doo u u vande wan ago iyol sha kwaghhenen cii ve u mase zan mkombo shon je la. Aluer se mba wan ago iyol sha mbamkombo hanma shighe yô, a hemba wasen se cii.

Ver shighe man ijiir i henen kwagh. Ka hanma shighe u hembe veren ishima sha kwagha? Ka i lu pepe, shighe u ú lu a yar tom ga la, shin ka i lu tugh, shighe u mbayev ou ve yav kera laa? Aluer u fetyô u henen kwagh shighe gôgônan ga je kpa, ker shighe ver u henen kwagh, shi nôngo kwaghmôm a de yangen we u henen kwagh sha shighe shon ga. Ker ijiir i i huan ving yô, shi pir redio shin televishen gayô hanseeti sha er kwagh u danen we una lu ga yô. Shi aluer u er msen cii man u hii u henen kwagh yô, kwagh la una wase u u̱ tôôn ishima sha akaa a nyian ishima, a ayange ayange la kera, sha er u hemba veren ishima sha mkaanem ma Aôndo yô.—Mbafilipi 4:6, 7.

Ver ikyav sha ajiir a mbamlumun ve lu la, shi wa ago iyol sha er u wa zwa sha akaa a a lu lamen sha mi ken mkombo la yô. Hii kaven kwagh u itinekwagh la jimin cii i lu ôron yô. Hen sha itinekwagh i ngeren shin ityough ki a lu timen sha mi la, nahan nenge er hanma itinekwagh i kiriki i zough sha itinekwagh i vesen la yô, shi nenge hanma foto kua mbampin mba hiden saven kwaghhenen, mba ve te iwanger sha atôakaa a vesen la. Maa ôr hanma ikyumhiange, shi ker mlumun sha mpin u i nger shin kpe la. Nenge avur a Bibilo a i nger la shi ôr a̱, nahan nenge er avur shon a sue kwagh u i lu timen sha mi la yô. (Aerenakaa 17:11) U faan mlumun u u na sha mpin u sha ikyumhiange la yô, ver ikyav sha asemberakaa agen ken ikyumhiange la, a aa wase u u̱ umbur mlumun shon yô. Ú zaan mkombo yô, u fatyô u kenden uwegh, nan mlumun tiônôô ken mkaanem ou, aluer u soo yô.

Aluer u ngu timen sha atineakaa kposo kposo, a i henen ken mbamkombo hanma kasua la yô, u seer zuan a mfe u Bibilo.—Mateu 13:51, 52.

  • Ka nyi u fatyô u eren sha u wan ago iyol sha mbamkombo?

  • U wa ago iyol sha u za wan zwa sha akaa a a lu lamen sha mi ken mkombo la nena?