Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Ka Unô Ve Eren Ishima i Yehova Nyiana?

 Ityough ki sha 17

Mbatamen mba Sôron Atôônanongo Mba Wasen Se Nena?

Mbatamen mba Sôron Atôônanongo Mba Wasen Se Nena?

Tar u Malawi

Annongo u duen kwaghpasen

Kwaghpasen

Mkombo u mbatamen

Ruamabera u Mbakristu u ken zwa Grika la ter kwagh u Barnaba man apostoli Paulu acin imôngo. Ior mban lu mbakuran mba ningir sha, mba ve zaan hen atôônanongo a sha ayange a tsuaa la yô. Ve zaan hen atôônanongo ne sha ci u nyi? Kwagh u mlu u ken jijingi u anmgbianev vev mba ken Kristu la yange gba ve ishima. Paulu yange kaa ér un soo u hiden ‘za sôron anmgbianev’ nengen er ve lu la. Yange kegh iyol u eren zende u kuman ukilomita uderi imôngo sha u za taver ve asema. (Aerenakaa 15:36) Nyian kpa ka isharen i mbakuran asev mba ningir sha je la.

Ka ve va sha u va taver se asema. Ortamen u sôron atôônanongo ka a sôr atôônanongo er 20 nahan kwa har ken inyom, a tsaan hen hanma tiônnongo kasua môm môm. Ortamen u nengen sha haregh ka a zende sha uharegh mba kuman er pue nahan ken hanma inyom, a sôron atôônanongo shi a nengen sha mbamkohol mba ningir. Mfe u anmgbianev mban ve lu a mi la una wase se kpishi shi se fatyô u henen kwagh ken akaa a a vande eren ve ken uma la kpaa, shi ve mba ve lu a kasev yô, kasev vev mbara kpa, mfe ve man akaa a a vande eren ve la aa fatyô u wasen se. Mbakuran mba ningir sha man kasev vev ka ve nôngo u zan ikyua a agumaior kua mbaganden kpaa sha u vea fa ve yô, shi ka i doo ve u duen kwaghpasen vea vese shi zan vea vese za sôron mba se henen Bibilo a ve la. Ka ve dondo mbatamen sha u za taver anmgbianev asema shi ve na akaaôron a maan se ken jijingi ken mbamkombo kua sha mbamkohol.—Aerenakaa 15:35.

Ka ve tese ér kwagh u hanma or gba ve ishima. Mbakuran mba ningir sha mba tesen ér mlu u ken jijingi u atôônanongo gba ve ishima. Ka ve er mbamkombo vea mbatamen man udiakon sha u vea nenge mzehemen u tiônnongo shi vea wa ve kwagh u una wase ve u eren ityom ve yô. Ka ve wase upania ve za ikyura ken tom ve u pasen kwagh la, shi i doo ve u fan mbahev mba ve gem kohol a vese imôngo la shi ungwan er ve lu zan hemen ken mcivir u Aôndo yô. Hanma orkuran u ningir sha yô, ka nan na iyol i nan u lun ‘ikyar u tom sha ci wase.’ (2 Mbakorinte 8:23) Gba u se kav jighjigh ve u nan man gbenda u ve civir Aôndo la.—Mbaheberu 13:7.

  • Mbakuran mba ningir sha mba sôron atôônanongo sha ci u nyi?

  • U fatyô u zuan a mtsera shighe u orkuran u ningir sha a ze hen tiônnongo wou la nena?