Ka Unô Ve Eren Ishima i Yehova Nyiana?

Mbashiada mba Yehova mba hanma ijiir sha tar shi ve due ken akuraior a sha tar cii shi aeren a ityôô a ve nga kposo kposo. Ka nyi i ve ior mba ken akuraior kposo kposo mban cii ve lu ken mzough?

Ka Nyi I Lu Ishima i Aôndo?

Aôndo soo ér i pase ior sha tar cii kwagh u a lu ishima na yô. Ka nyi i lu ishima i Aôndo, man ka unô ve tesen ior ishima na nyiana?

Mbashiada mba Yehova Ka Unô Ioro?

Ka Mbashiada mba Yehova ume u fe? Ka nyi jim jim u fe sha kwagh wase?

Er Nan I Yer Se Ér Mbashiada mba Yehova?

Nenge atôakyaa atar a a ne ve se tee iti ne yô.

Yange I Hide i Fa Akaa a Mimi a ken Bibilo, a Ior Kera Fa A Ga Ica i Gba la Nena?

Se er nan ve se fa ser mimi je se mba a mkav u vough sha kwagh u Bibilo i tese jim jim laa?

Se Gber Bibilo i i Yer Ér New World Translation la sha Ci u Nyi?

Ka nyi i ne ve Mkaanem ma Aôndo ma i gem ne ma dugh kposo a Ubibilo mbageneve?

Ka Nyi U Za Mbamkombo Asev Mba Mbakristu la Ve U Zua a Mini?

Ka se kumba imôngo sha u henen ruamabera shi taver ayol a ase asema. U va se ngohol we saan saan!

Aluer Se Mba Kohol a Mba Se Lu Mbakristu a Ve Imôngo la yô, A Wase Se Nena?

Mkaanem ma Aôndo kaa ér Mbakristu ve eren mbamkombo. Fa er u zaan mbamkombo mban ve u zua a mtsera yô.

Se Mba Eren Mbamkombo Asev Nena?

I lu nahan u pine kwagh u i eren ken mbamkombo ase vee? A doo a ityesen i Bibilo i i ne ior ken mbamkombo mban je ka u henen a hen ga.

Er Nan Ve Ka Se Wuha Iyol Tsembelee Se Za Mbamkombo Aseva?

Kwagh gba Aôndo sha iyol wuhan yase? Nenge ase akaawan a Bibilo a a wasen se u tsuan iyolwuhan shi eren hwe tsembelee ne.

Ka Hanma Gbenda U Hembe Doon U Se Wa Ago Iyol sha Mbamkombo?

Aluer u vande wan ago iyol sha mbamkombo asev tsuaa yô, u za u hemba zuan a mtsera.

Ka Nyi i Lu Mcivir u hen Tsomboro?

Nenge er kwagh ne una wase u u kporom hen Aôndo shi mba hen tsombor vea seer doon ayol a ve yô.

Se Mba Ze Mbamkohol mba Vesen sha Ci u Nyi?

Hanma inyom yô, ka se er mbamkohol kwa tar. U er nan ve u zua a iwasen ken mbamkohol mbana?

Se Mba Eren Tom Wase u Pasen Kwagh u Tartor la Nena?

Se mba dondon gbenda u Yesu yange tese shighe u lu shin tar la. Igbenda shon ka nyi?

Inja i Ishember i Pania la Ér Nyi?

Mbashiada mbagenev ka ve er tom u pasen kwagh ken uwer i kuma ahwa 30, shin 50, shin i hemba nahan je kpaa. Ka nyi ka i mgbegha ve u eren kwagh ne?

Ka Makeranta u Nyi I Ver sha Ci u Upania?

Ka i tsaase mba ve eren tom u pasen kwagh hanma shighe la nena?

Mbatamen Mba Eren Tom ken Tiônnongo Nena?

Mbatamen ka ior mba vian ken jijingi mba ve hemen ken tiônnongo yô. Mba wasen tiônnongo nena?

Ka Tom u Nyi Udiakon Ve Erene?

Udiakon ka ve wasen tiônnongo u eren kwagh a anzughul shio. Fa er tom ve la ka u wase hanma or u nan ze mkombo yô.

Mbatamen mba Sôron Atôônanongo Mba Wasen Se Nena?

Ka sha ityôkyaa i nyi mbatamen mba sôron atôônanongo ve zenden sha atôônanongo? U er nan ve u zua a iwasen ve shighe u ve ve hen tiônnongo wou we?

Se Mba Wasen Anmgbianev Asev Shighe u Ve Lu ken Ican la Nena?

Aahe ka una er yô, fese je se wa iyol u za nan mba aahe a er ve la iwasen sha akaa a iyolough shi surun ve asema sha Mkaanem ma Aôndo. Ka se er kwagh ne nena?

Ka An Nan Lu Wanakiriki u Jighjigh man u Fan Kwagha?

Yesu yange tôndo zwa ér una tsua wanakiriki u nana naan kwaghyan u ken jijingi sha shighe vough vough yô. Ngu eren kwagh ne nena?

Mbahemenev mba Shin Itine Mba Eren Tom Ve Nyian Nena?

Sha sha ayange a mbaapostoli la, mbatamen mbagenev kua mbaapostoli lu mbahemenev mba shin itine mba tiônnongo u Kristu. Nyian ye?

Ka Nyi I Lu Betel?

Betel ka ijiir i doon, i i maa i a awashima u injaa tsung yô. Fa kwagh u ior mba ve eren tom her la.

Mba Ngeren Ityakerada Yase shi Mba Gem I ken Ijô Igen Nena?

Se mba gberen ityakerada ken ijô i hemban 700. Se mba eren tom ne sha ci u nyi?

Se Mba Zough a Inyaregh Ki Eren Tom Wase u Se Eren sha Tar Cii la Hana?

Gbenda u nongo wase u eren iyua la kaha kposo a ukwaghaôndo mbagenev nena?

Mba Maan Ayou a Tartor sha Ci u Nyi, man Ka I Maa A Nena?

Mba yer ajiir a ase a se civir Aôndo her la ér Ayou a Tartor sha ci u nyi? Seer fan er ayou a akuma akuma ne a wasen atôônanongo yô.

Se Wase Tom u Nengen sha Iyou i Tartor Yase Nena?

Iyou i Tartor ka ia lu sha ashe wang shi a nengen sha i tsembelee yô, kwagh la a va Aôndo a icivir. Ka akaa a nyi nahan ka i er sha u Iyou i Tartor i lu sha ashe wang-na?

Ijiir I I Koson Ityakerada ken Iyou i Tartor la Ngi Se a Iwasen Nena?

U soo u tôvon sha kwagh sha er u seer zuan a mfe u Bibilo yôô? Za hen ijiir i i koson ityakerada ken Iyou i Tartor la!

Ka Nyi i Lu hen Ijiir Yase I sha Intanet La?

U fatyô u seer fan kwagh wase man akaa a se ne jighjigh a mi la shi zuan a mbamlumun sha mbampin mba u pin sha akaa a ken Bibilo la.

A Doo U u Eren Ishima i Yehova Kpa?

Yehovah soo u sha mimi. U tese wer sar u u eren kwagh u doon Un ken akaa a u eren ayange ayange la nena?