Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Hen Akaainjaa ken Bibilo

Ngeren u Hiin Vegher u sha 9

Ngeren u Hiin Vegher u sha 9

Vegher ne tese se kwagh sha kwagh u agumaior, man uprofeti, man utor mba yange ve na Yehova jighjigh sha mimi yô. Wankwase Iserael u cuku, u lu ken tar u Shiria yô, yange na jighjigh ér profeti u Yehova una bee Naaman imande. Profeti Elisha di na jighjigh vangertiôr ér Yehova una kura un sha ikyev i ushoja i mbaihyomov nav. Pristi u tamen Yehoyada yange war ku kpishi, sha ci u a yer Yoashi shighe u lu cuku la, ér ngô na u tamen, Atalia a de wuan un ga. Tor Hesekia di yange na jighjigh ér Yehova una yima Yerusalem sha ikyev i Mbaashiria, nahan a hendan a tor u Ashiria. Tor Yoshia di kar a ieev mbi i civir ken tar na la kera, shi hide sôr tempel, shi hemen ior mba ken tar la hide hii u civir Aôndo u mimi.

IN THIS SECTION

Torshoja man Anwankwase u Cuku

Anwankwase Iserael yange ôr kwase u orvesen na Naaman kwagh u tahav mbu Yehova, nahan kwagh u kpilighyol due ker.

Anyinya man Akekeautya a Usu a Yehova

Ka nyi yange i na ve wanye u Elisha la masen nengen ér ‘mba ve lu a vese la ve hemba ngeen a mba ve lu a ve la.’

Yehoyada Taver Ishima

Pristi u jighjigh yange cia torkwase u wan ifer ga.

Yehova Yange Wa Ishima a Yona

Yange er nan ve zegeishu mena profeti u Aôndo? Profeti shon yange er nan ve due ken ishu laa? Man ka nyi Yehova yange tese profeti shon ér a fa?

Ortyom u Yehova Yange Kura Hesekia

Mbaihyomov mba tar u Yuda yange ve kaa ér, Yehova una kura ior nav ga, kpa mhen ve ne lu u sha mi ga!

Yoshia Yange Soo Atindi a Aôndo

Yoshia yange hingir tor u Yuda shighe u lu anyom anigheni la, shi wase ior nav hide hii u civir Yehova.