Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Ngeren u Hiin Vegher u sha 8

Ngeren u Hiin Vegher u sha 8

Yehova yange na Solomon kwaghfan kpishi, shi na un ian icivirigh i maan un tempel, kpa tegh tegh tsô Solomon va undu Yehova. Wea lu ormaren yô, pase wan wou nana nenge er ior mba civir mbaaôndo mbaaiev yange ve na Solomon de u civir Aôndo u mimi la yô. Yange tartor la va pav ker, shi utor mba wan afer na yô, ikyurior i Iserael de u civir Aôndo u mimi, hide lu civir ieev. Hen shighe ne i tôv uprofeti mba Yehova mba mimi a ican tsung, shi i wua ve. Torkwase Yesebel yange na yô, tartor u ikwe i pue la undu Aôndo, shi Mbaiserael mbara gema civir akombo je hemba ave a tse. Shighe ne, kwagh tser Mbaiserael tsung, man lu kwagh u gba je lu a vande tseren ve ga yô. Nahan kpa, ior mbagenev kpishi ken Iserael lu civir Yehova sha mimi her, er Tor Yehoshafati man profeti Eliya nahan.

IN THIS SECTION

Tempel u Yehova

Aôndo yange lumun a kwagh u Tor Solomon sôn un la, nahan a na un iveren kpishi.

Iserael Pav Hingir Ityar Ihiar

Yange Mbaiserael kpishi de u civir Yehova.

I Zua sha Uwo u Karmel Ér a Fa Aôndo u Mimi

Ka an nan lu Aôndo u mimi? Ka Yehova shin ka Baal?

Yehova Taver Eliya Ishima

U hen wer we kpa una taver we ishimaa?

I Nder Wan u Kwasecôghol Shin Ku

Yange uivande uhar er hen ya môm!

I Tsaha Torkwase u Wan Ifer

Yesebel yange ker gbenda wua Naboti ér una ngohol un sule! Kpa Yehova nenge afer a Yesebel la cica.

Yehova Nôngo Ityav sha Ci u Yehoshafati

Yehoshafati, tor u fan kwagh yange er msen hen Aôndo ér a wase un, zum u ityar igen mough va u va tan ityav sha tar u Yuda yô.