Aver yem sha atineakaa

Aver yem sha itinekwagh i vesen i sha uhar

Aver yem sha mver u atineakaa

Mbashiada mba Yehova

Tiv

Hen Akaainjaa ken Bibilo

Ngeren u Hiin Vegher u sha 6

Ngeren u Hiin Vegher u sha 6

Mbaiserael yange mba za nyer ken Tar u Ityendezwa la yô, tabernakel hingir ijiir ve i vesen i civir Aôndo u mimi her. Upristi yange ve tesen atindi, mbaajiriv di hemen ikyurior la. Vegher ne tese er akaa a or nan tsua u eren man aeren a nan aa fatyô u benden a mbagenev sha gbenda u vesen yô. Hanma Oriserael cii lu a kwagh u yange gba u nana er sha ci u Yehova kua orumace yô. Pase er ieren i Debora man Naomi man Yosua man Hana kua wan u Yefeta u kwase man Samuel yange i bende a ior mba sha ajiir a ve lu la yô. Shi pase wang er ior mbagenev mba ve lu Mbaiserael ga, er Rahabi man Rutu man Yael kua Mbagibeon nahan je kpa, yange ve ta ikyaa a Mbaiserael, sha ci u ve fa ér Aôndo ngu a ve yô.

IN THIS SECTION

Yehova Tsua Yosua

Aôndo yange na Yosua atindi a aa fatyô u wasen se nyian yô.

Rahabi Yer Mbamkerev Mbara

Girgar u Yeriko yange yôhôr haa inya. Kpa iyou i Rahabi yô yôhôr ga, shin er yange i maa i sha girgar la nahan kpaa.

Yosua man Mbagibeon

Yosua er msen hen Aôndo kaa ér: ‘We, Iyange, tile gigh gigh!’ Nahan Aôndo ungwa msen na shon je he?

Orhemen u He man Kasev Uhar mba Taver Ishima

Yosua yange va kpen kera yô, Mbaiserael hii u civir mbaaôndo mbaaiev. Nahan uma va taver ve, kpa ve va zua a iwasen sha ikyev i Orjir Baraki, man profeti u kwase Debora, kua Yael a imande i tenti na!

Rutu man Naomi

Kasev uhar mba noov vev cii kpe yô za cin hide ken Iserael. Rutu, kwase u môm la, yange yem u za yaren twar ken sule, maa Boashi za fa un.

Gidion Hemba Mbamidian Ityav

Yange Mbamidian mba ngur eren Mbaiserael ican kpoghuloo yô, Mbaiserael zamber a Yehova ér a wase ve. Er nan ve shoja i Gidion lu kpuaa tseegh kpa i hemba shoja i mbaihyomov vev i i lu iorov 135,000 la ityava?

Hana Er Msen Sôn Wan

Elkana va a Hana, man Penina, kua mbayev u hen Shilo sha u va civir Yehova ken tabernakel. Mba ze yô, Hana za er msen sôn wan. Kera tsa kuma inyom ga tsô a mar Samuel!

Ityendezwa i Yefeta

Yefeta yange tôndo zwa ér una er nyi? Wan u Yefeta u kwase yange er nena sha kwagh u ityendezwa i ter na laa?

Yehova Ôr Samuel Kwagh

Pristi u Tamen Eli yange lu a ônov mba nomso uhar mba ve eren tom ken tabernakel yô, kpa ve lu kuran atindi a Yehova ga. Samuel u lu wanye cuku la dondo ieren ve la ga, nahan Yehova ôr un kwagh.

Yehova Na Semson Agee Kpishi

Aôndo yange na Semson agee kpishi ér a nôngo ityav a Mbafiliti, kpa Semson va eren kwagh u ibume yô, Mbafiliti kôr un.