Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Ngeren u Hiin Vegher u sha 14

Ngeren u Hiin Vegher u sha 14

Mbakristu mba hiihii mbara yange ve samber a loho u dedoo u Tartor ar sha akighir a tar je. Yesu yange tese ve ape vea za pase kwagh yô, shi a wase ve u tesen ior ken ijô ve sha ivande. Yehova yange na ve agee, nahan ve lu ôron kwagh vangertiôr shi ve fatyô u wan ishima a mtev u sha ican u vihin tsung je kpaa.

Yesu yange tese apostoli Yohane iengem i Yehova ken mpase u sha mnenge ugen. Shi ken mpase ugen la di, Yohane nenge Tartor u sha la hemba Satan ityav, shi kar a hemen na kera gbindigh gbindigh. Yohane shi nenge Yesu tema tor vea iorov 144,000. Shi a nenge i gema tar cii hingir paradiso shi hanma or lu civir Yehova ken bem man ken mzough.

IN THIS SECTION

Mbahenen mba Yesu Ngohol Icighan Jijingi

Icighan jijingi yange na ve tahav mbu eren nyi ivande?

Kwagh Môm Fatyô u Yangen Ve Ga

Mbatesen kwaghaôndo mba yange ve na zwa i wua Yesu la, mba nôngon ér vea yange mbahenen u pasen kwagh. Kpa vea fatyô ga.

Yesu Tsua Saulu

Saulu lu ipilaor u kôr Mbakristu ihyom yô, kpa kwagh na yange va gema.

Korneliu Ngohol Icighan Jijingi

Er nan ve Aôndo yange tindi Peteru hen ya u or u yange lu Oryuda ga nee?

Kwaghaôndo u Mbakristu Samber sha Tar Wuee

Apostoli Paulu man mbaeren tom mishen vea na imôngo yange ve pase kwagh sha ajiir a gban ica.

Orkurangaadi Fa Mimi

I ôr kwagh u jijingi u azôv man tartenger man sanker ken ngeren ne nena?

Paulu man Timoteu

Iorov mbauhar mban yange er tom anyom imôngo, nahan ve ya ijende kôôsôô.

I Yem a Paulu ken Roma

Apostoli ne yange tagher a akaa a vihin ken zende, kpa mayange de ér mbamtaver mbara ve yange un tom ga.

I Pase Yohane Akaa a ken Hemen

Yesu yange tese un mbampase mba akaa a ken hemen sha adondo adondo.

“Tartor Wou U̱ Va”

Takerada u Mpase u Yohane la tese ér Tartor u Aôndo ua va gema mlu u ior sha tar yô.