Yesu yange tese ior kwagh u Tartor u sha. Shi a tese ve ér ve eren msen ér i tsegha iti i Aôndo, Tartor na u va, shi i er ishima na shin tar. Wea lu ormaren yô, pase wan wou kwagh u msen ne a lu tesen se yô. Yesu yange lumun ér Satan a pav un a Yehova ga. Yesu tsua mbaapostoli nav, shi lu ve je ve hingir mba hiihii mba suen Tartor u sha ye. Nenge er Yesu yange lu a gbashima sha kwagh u civir Aôndo sha mimi yô. Yange sar Yesu u wasen ior tsung, nahan a bee mbauangev iangev vev, shi a na mba ve lu ijen la kwaghyan, shi nder mbakpenev shin ku je kpaa. Yesu er uivande mban cii sha u tesen kwagh u Tartor u sha la ua va er sha ci u uumace yô.