Aver yem sha atineakaa

Aver yem sha mver u atineakaa

Mbashiada mba Yehova

Tsua Zwa Tiv

Ngeren u Hiin Vegher u sha 11

Ngeren u Hiin Vegher u sha 11

Vegher ne ôr akaa a ken Ruamabera u Mbakristu u ken Zwa Grika la. Yange i mar Yesu hen tsombor u lun a kwagh ga, hen angeri ugen. Ter na lu orkapinta, nahan eren tom la vea na. Kpa lu u Yesu una va er tom u yiman uumace cii. Yehova yange tsua Yesu ér a lu Tor u Tartor u sha. Wea lu ormaren yô, wase wan wou nana nenge er Yehova yange tsua mbamaren mba Yesu shin tar ne, man ijiir i vea yese un her la, sha kwaghfan yô. Shi nana nenge er Yehova yange kura Yesu ve Tor Herode wuan un ga la, man er i lu u kwagh môm kpa una fatyô u bunden awashima u Yehova ga yô. Shi nana fa er Yehova yange tsua Yohane ér a sôr gbenda sha ci u Yesu la. Hemba veren ishima u tesen nan wer nana nenge er Yesu yange lu wanye je kpa, suur sha kwaghfan u Yehova yô.

IN THIS SECTION

Elisabetu Mar Wan

Hii nan ve yange i kaa a nom u Elisabetu ér una kera lam ga zan zan a kar maren wan laa?

Gaberiel Va hen Maria

Yange ôr Maria loho u yange u gema uma na yô.

Mbatyomov Yôô Ér I Mar Yesu

Mbakuranilev mba yange ve ungwa la er kwagh sha mi fese.

Yehova Kura Yesu

Tor u wan ifer tsung yange nôngo ér Yesu a kpe.

Shighe u Yesu Lu Wanye La

Yesu yange er nyi ken tempel ve kpiligh mbatesen iyol a naa?

Yohane u Eren Batisema Sôr Gbenda

Yohane vese hingir profeti. Lu tesen ior kaan ér Mesiya ngu van. Ior ungwa loho la nahan, ve er nena?