Aver yem sha atineakaa

Mbashiada mba Yehova

Tsua Zwa Tiv

Ka Nyi I Ne Msaanyol hen Tsomboro?

Ka Nyi I Ne Msaanyol hen Tsomboro?

U hen wer . . .

  • ka dooshimaa?

  • ka inyareghaa?

  • ka ma kwagh ugenee?

 KWAGH U BIBILO I̱ KAA YÔ

“Saan mba ve ongo kwaghôron u Aôndo man ve eren sha mi kpaa la, iyol.”—Luka 11:28.

ER TSOMBOR UA DONDO MKAANEM MA AÔNDO VE UA ZUA A IWASEN YÔ

Ne doo ayol a en sha mimi.—Mbaefese 5:28, 29.

Ne naan ayol a en icivir sha mimi.—Mbaefese 5:33.

Ne lu ken mzough u mimi.—Marku 10:6-9.

 SE FATYÔ U NAN KWAGH U BIBILO I̱ ER NE JIGHJIGH KPA?

Een, se fatyô sha ci u atôakyaa ahar a i ter heen ne, kua atôakyaa agen kpaa:

  • Ka Aôndo a gbe tsombor ye. Bibilo kaa ér Yehova Aôndo yange zua nomsoor man kwase u hiihii la, ve hingir iyôgh i môm. (Genese 2:18-24) Inja na yô, ka Yehova yange hii kwagh u tsombor ye, ka nahan ve se lu a icombor ye. Kwagh u Bibilo i kaa ne ngu se a inja sha ci u nyi?

    Hen ase sha kwagh ne: Aluer u ya iue nyoho u man u soo u fan akaa a i we sha iue la nahan, ka an u pine nana? Ka or u nan jiidi iue shon la u pine nan ve a lu sha inja ye.

    Nahan se kpa, saa se pine Yehova, un u yange hii kwagh u tsombor la, akaa a nga a na ve tsombor u lu ken msaanyol la, una pase se ve, se fa a ye.

  • Ka Aôndo a koson we ye. Doo u icombor ia keren kwaghwan u Yehova, man ia zua a kwaghwan ne ken Mkaanem nam. Sha ci u nyi? “Gadia ka Un A lu koson [se] ye.” (1 Peteru 5:6, 7) Kwagh wou gba Yehova ishima tsung, shi kwaghwan na wasen se hanma shighe cii!—Anzaakaa 3:5, 6; Yesaia 48:17, 18.

 MPIN U HENEN SHA MI

U er nan ve u lu nom shin kwase shin ormaren u injaa?

Bibilo na mlumun sha mpin ne ken MBAEFESE 5:1, 2 man MBAKOLOSE 3:18-21.